Vikipediya ?

Qənirə Paşayeva — Vikipediya

Paşayeva Qənirə Ələsgər qızı (7 mart 1975(1975-03-07)) — ictimai və siyasi xadim, jurnalist, Azərbaycan Respublikası Milli Məclisinin deputatı.

Qənirə Paşayeva
Qənirə Ələsgər qızı Paşayeva
Qənirə Paşayeva.jpg
Qənirə Paşayeva
Doğum tarixi 7 mart 1975 (1975-03-07) (45 yaş)
Doğum yeri Düz Qırıqlı, Tovuz rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Atası Ələsgər Paşayev
Anası Tehran Nağıyeva
Milliyyəti Azərbaycanlı
Təhsili Azərbaycan Tibb Universiteti
Bakı Dövlət Universiteti
Fəaliyyəti 1998 - davam edir
Commons-logo.svg Vikianbarda əlaqəli mediafayllar

Həyatı

Qənirə Paşayeva 1975-ci il martın 7-də Tovuz rayonunun Düz Qırıqlı kəndində anadan olmuşdur.

Subaydır. Firuzə adlı mənəvi qızı var.

Təhsili

Azərbaycan Dövlət Tibb Universitetinin pediatriya fakültəsini və Bakı Dövlət Universitetinin beynəlxalq hüquq fakültəsini bitirmişdir. Rusingilis dillərini bilir.

Faəliyyəti

Jurnalist fəaliyyəti

1998-ci ildən ANS televiziya şirkətinin Xəbərlər xidmətində reportyor, müxbir, redaktor, aparıcı redaktor, baş aparıcı redaktor, baş redaktorun müavini, Xəbərlər redaksiyası baş redaktorunun müavini vəzifələrində çalışmışdır.

2005-ci ildə Heydər Əliyev Fondunun İctimaiyyətlə əlaqələr departamentinin rəhbəri olmuşdur.

Siyasi fəaliyyəti

Azərbaycan Respublikası III (2005) və IV (2010) çağırış Milli Məclisinin deputatıdır. Milli Məclisin Beynəlxalq münasibətlər və parlamentlərarası əlaqələr komitəsinin üzvüdür. Azərbaycan-Gürcüstan parlamentlərarası əlaqələr üzrə işçi qrupunun rəhbəri, Azərbaycan-Hindistan, Azərbaycan-Türkiyə, Azərbaycan-Yaponiya parlamentlərarası əlaqələr üzrə işçi qruplarının, Avropa Şurası Parlament Assambleyasında Azərbaycan milli nümayəndə heyətinin üzvüdür.

Mükafatları

30 sentyabr 2011-ci il tarixində "İslahatçı Gənclər" İctimai Birliyi Qənirə Paşayevanı hər il ənənəvi olaraq təqdim etdiyi "Xəzər" Milli Mükafatının qaliblərindən biri elan edib.

“İslahatçı Gənclər” İctimai Birliyi tərəfindən 2013-cü ildə Azərbaycanda reallaşdırılan dövlət gənclər siyasətinə verdiyi dəstəyə və bu siyasətin təbliğindəki xidmətlərinə görə Qənirə Paşayevanı Fəxri Diplomla təltif edib. Gürcüstanın fəxri vətəndaşıdır.

Somali səfəri

Qənirə Paşayeva 2012-ci ildə iki həftə uşaq həkimi qismində Somalidə fəaliyyət göstərmiş, sakinlərə yardım etmişdir.

Əsərləri

Kitabları

  • Nobel mükafatlı qadınlar. Bakı: "Elm və təhsil", 2009. 456 səh. 1000 nüsxə
  • Tarixə adını yazan qadınlar, 3 cilddə. Bakı: Ozan, 2011.
  • . H. Məmmədova ilə birgə. Bakı: "Elm və təhsil", 2011.

Məqalələri

  • "Bülbül kimi gül aşiqi", "Ozan dünyası" jurnalı, №3(10) 2012.

Filmoqrafiya

  1. Apreldən əvvəl may... Azərbaycan Xalq Cümhuriyyəti (film, 2001)
  2. Erməni soyqırımı. Türkün sözü (film, 2001)
  3. Ruhum qarabağlıdır (film, 2012)

İstinadlar

  1. . www.meclis.gov.az.
  2. . lent.az, 07.08.2012  (azərb.)
  3. . amerikaninsesi.org, 08.08.2012  (azərb.)

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019