Qəmər Cavadlı (23 avqust 1960, Bakı) — jurnalist, tədqiqatçı, filologiya üzrə fəlsəfə doktoru. Qafqaz Müsəlmanları İdarəsinin ictimaiyyətlə əlaqələr və ailə problemləri üzrə sədr müavinidir.
| Qəmər Cavadlı | |
|---|---|
| Cavadlı Qəmər Aydın qızı | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Fəaliyyəti | Qafqaz Müsəlmanları İdarəsinin ictimaiyyətlə əlaqələr və ailə problemləri üzrə sədr müavini. |
| Mükafatları | Qızıl Qələm mükafatı, Həsən bəy Zərdabi mükafatı |
Cavadlı Qəmər xanım Aydın qızı – 1960-cı ildə Bakıda anadan olub. 1982-ci ildə Azərbaycan Dövlət İncəsənət İnstitutunu bitirib. AR Mədəniyyət nazirliyinin sosioloji tədqiqatlar şöbəsində, Qafqaz Müsəlmanları İdarəsinin mətbuat və informasiya xidmətində çalışıb. 1991–94-cü illər ərzində "İslam" qəzetində və "Qafqazinform" mərkəzində əməkdaşlıq edib. 1995–97-ci illərdə Türkiyə Diyanət Başkanlığına xidməti ezam olunub. 2002–13 illər ərzində Bakı Dövlət Universitetinin jurnalistika fakültəsinin müəllimi olmuşdur. Q.Cavadlı 2010-cu ildə Qafqaz Müsəlmanları İdarəsinin sədri, Şeyxülislam Allahşükür Paşazadənin qərarı ilə QMİ-nin ictimaiyyətlə əlaqələr və ailə problemləri üzrə sədr müavini vəzifəsinə təyin olunub. Müsəlman dini idarələri tarixində bu statusu qazanan ilk qadındır.
- Sizi xatırlarkən.. (Azərbaycan mətbuatı xadimləri haqqında). Bakı – 2003.
- İslam və kütləvi informasiya vasitələri// Monoqrafiya. Bakı – 2009.
- İslam və Bioetika // İpəkyolu nəşriyyatı. Bakı – 2017.
- Azərbaycan Jurnalistlər Birliyinin "Qızıl Qələm" və "Kamil Sənətkar" mükafatı – 1994
- Azərbaycan Jurnalistlər Birliyinin "Həsən bəy Zərdabi" mükafatı — 2012