Qələmkarlıq— pambıq parçaya naxışvurma sənəti.
Qələmkarlıq sənətkarlıq növünün mahiyyətini kətan və ipək parçaya naxış vurma təşkil edir. Parçanı bəzəyəcək nəbati və həndəsi naxışlar əvvəlcə bərk taxtadan qəlib kimi kəsilir, sonra isə rəngə batırılaraq səthə vurulur. Bu sənət növü ən çox baş örtüklərində yaylıqlarda və kəlağayılardakı naxışlar ipək, müxtəlif süfrələri, pərdələri bəzəyən naxışlar və kətan parçalara vurulur.
Qələmkarlıq sənəti yaxın Şərq ölkələrində qədimdə geniş yayılmışdır. Orta əsrlərdə Azərbaycanda, xüsusən Naxçıvanda daha çox inkşaf etmişdir.[1] XVII əsrdə məşhur türk səyyahı Övliya Çələbinin Azərbaycan səfərini əks etdirən yol qeydlərində ölkə ərazisində, xüsusilə də Naxçıvanda yüksək keyfiyyətli basma parçalarının istehsal olunduğu və satmaq üçün bir çox xarici ölkələrə göndərildiyi vurğulanıb.
Qələmkarlıq nümunələri basma parçalar Bakı, Gəncə, Şəki, Şamaxı və digər şəhərlərdə, eləcə də İsmayıllı rayonu Basqal kəndində hazırlanırdı.
- ↑ Naxçıvan Ensiklopediyası. 2002. səh. 271.