Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinQədir Misiroğlu (türk. Kadir Mısıroğlu; 24 yanvar 1933, Ağcaabad, Trabzon ili – 5 may 2019[1], İstanbul) — Türkiyəli islamçı konspiroloq,[2][3] yazıçı və naşir. O, qatı antikamalist fikirləri ilə seçilən geriçi və monarxist bir şəxs olub. Türkiyədəki sekulyar təbəqə onu casus və yalançı[4] adlandırırlar.
| Qədir Misiroğlu | |
|---|---|
| türk. Kadir Mısıroğlu | |
 Misiroğlunun məzarı | |
| Doğum tarixi | 24 yanvar 1933 |
| Doğum yeri | |
| Vəfat tarixi | 5 may 2019[1] (86 yaşında) |
| Vəfat yeri | |
| Dəfn yeri | |
| Uşağı | 3 |
| Təhsili | |
| Fəaliyyəti | yazıçı, vəkil, konspiroloq[d], naşir |
 Vikianbarda əlaqəli mediafayllar | |
1933-cü ildə Trabzonun Ağcaabad ilçəsində anadan olub. İlk və orta təhsilini Ağcaabadda tamamlayıb. 1954-cü ildə İstanbul Universitetinin Hüquq Fakültəsinə qəbul olub. 1964-cü ildə Lozan Zafer mi, Hezimet mi? (ilk əsəri) adlı əsərinin birinci cildini qələmə alıb.[5] 1970-ci ildə eyniadlı əsərinin genişləndirilmiş nüsxəsinin nəşrləri məhkəmə qərarları ilə bağlı olaraq satışdan yığışdırılıb. "Milli Türk Tələbə Birliyi"nin İstanbuldakı əsas mərkəzində verdiyi konfrans səbəbi ilə ona 7 il həbs və 20 ay sürgün cəzası verilib. Həmçinin o, 5 il müddətinə vətəndaşlıq hüquqlarından məhrum olunub. 1974-cü ildə ümumi amnistiya ilə əfv olunub. 1976-cı ildə həftəlik "Səbil" jurnalını nəşr etdirməyə başlayıb. "Səbil"dəki yazılarına görə dəfələrlə barəsində məhkəmə işləri açılıb. 1977-ci ildə deputatlığa namizədliyini irəli sürsə də, seçilə bilməyib. 1978-ci ildə "Milli Qurtuluş Partiyası"nın idarə heyətinə üzv seçilib. 1980-ci ildəki hərbi çevriliş zamanı yenidən həbs edilmək istənib. Həbs edilməmək üçün əvvəl Almaniyaya, sonra isə İngiltərəyə gedib. Türkiyəyə qayıtmadığı üçün vətəndaşlıqdan çıxarılıb. 1991-ci ildə Türkiyəyə qayıdaraq müəlliflik və naşirlik fəaliyyətlərini davam etdirib. 5 may 2019-cu ildə İstanbulda vəfat edib.[6] Misiroğlu, "Hür Macar Yazarlar Birliği" tərəfindən gümüş medalla təltif olunub. O, həmçinin "Türkiyə Milli Kültür Vakfı" tərəfindən verilən "Jüri Hususi Ödülü"nə də layiq görülüb.[5]
Misiroğlunun müəllifi olduğu əsərlərdən bəziləri bunlardır: Amerika'da Zenci Müslümanlık Hareketi, Aşıklar Ölmez!, Barbaros Hayreddin Paşa, Doğru Türkçe Rehberi yahud Bin Uydurma Kelimeyi Boykot, Bir Mazlum Padişah: Sultan Abdülaziz[7] və s.
- ↑ 1 2 Cumhuriyet (qəzet) (türk.). 1924.
- ↑ Türkiye'de Komplo Zihniyeti: Söylemler, Aktörler ve Eğilimler Üzerine Bir Araştırma, Nuh Akçakaya. Selçuk Üniversitesi, Edebiyat Fakültesi, Sosyoloji Bölümü
- ↑ "Lozan Antlaşması'nın 100. Yılında Komplo Teorileri ve Gizli Maddelerin İzinde". Yalansavar (türk). 25.06.2023. 06.08.2023 tarixində arxivləşdirilib. İstifadə tarixi: 20.10.2025.
- ↑ "Uğur Mumcu anlatıyor: Kadir Mısıroğlu kimdir?". T24 (türk). 2019. 08.05.2025 tarixində arxivləşdirilib. İstifadə tarixi: 11.10.2025.
- ↑ 1 2 "Kadir Mısıroğlu". kitapyurdu.com. 11.10.2025 tarixində arxivləşdirilib. İstifadə tarixi: 11.10.2025.
- ↑ "Kadir Mısıroğlu öldü". Cumhuriyet (türk). 2019. 10.08.2022 tarixində arxivləşdirilib. İstifadə tarixi: 27.10.2025.
- ↑ "Kadir Mısıroğlu" (türk). 12.11.2021 tarixində arxivləşdirilib. İstifadə tarixi: 18.10.2025.