İsabəyli Qəşəm İsa oğlu — şair, nasir, 1986-cı Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (1983).
| Qəşəm İsabəyli | |
|---|---|
| Qəşəm İsa oğlu İsabəyli | |
| Doğum tarixi | |
| Doğum yeri | Xəlsə, Kürdəmir rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | ADU-nun Geoloji-coğrafiya fakültəsinin Coğrafiya şöbəsi (1967-1972) |
| Fəaliyyəti | yazıçı |
| Əsərlərinin dili | azərbaycanca |
Qəşəm İsabəyli 1948-ci il avqustun 14-də Azərbaycanın Kürdəmir rayonundakı Xəlsə kəndinda ziyalı ailəsində anadan olmuşdur. İbtidai təhsilini Xəlsə kəndində, onbirillik məktəbi qonşu Axtaçı kəndində bitirmişdir (1966). Üç aya yaxın Bakıda metro tikintisində, sonralar isə Xəlsədə işləmişdir. ADU-nun Geoloji-coğrafiya fakültəsinin Coğrafiya şöbəsini bitirmişdir (1967-1972). Kürdəmir rayonunun Axtaçı və Beyi kənd məktəblərində müəllim işləmişdir (1972-1975). Azərbaycan Dövlət Televiziya və Radio Verilişləri Şirkətində ştatdankənar müxbir olmuşdur (1975-1976). C.Cabbarlı adına "Azərbaycanfilm" kinostudiyasında sənədli filmlər birliyində inzibatçi, sifariş filmləri redaktoru vəzifələrində çalışmışdır (1976-1982). "Yazıçı" nəşriyyatında klassik ədəbiyyat və folklor şöbəsində redaktor olmuşdur (1982-1984). "İşıq" nəşriyyatında sifariş ədəbiyyatı redaksiyasının müdiri (1984-1992) işləmişdir. Azərbaycan Respublika Mədəniyyət Nazirliyinin "Şur" nəşriyyatında direktor vəzifəsində çalışmışdır (1992-1998). Bədii-ensiklopedik "Cik-cik" uşaq qəzetinin təsisçisi, naşiri və baş redatorudur (1993-cü ildən). Həmçinin "Şirvannəşr" nəşriyyatının təsisçisi və naşiridir (1996-cı ildən). 1967-ci ildən dövri mətbuatda şeirləri ilə müntəzəm çıxış edir. Rus, Ukrayna, Litva və Latviya ədəbiyyatından tərcümələri vardır. Şeirləri rus, ukrayna, belarus və s. dillərə tərcümə olunmuşdur. 1980-cı ildə "Sovet Azərbaycanı maarifi — 60" mahnı müsabiqəsində mükafata layiq görülmüşdür. "Əkil-bəkil" (poema) kitabı "Ən yaxşı uşaq kitabı" I respublika müsabiqəsində ikinci mükafata layiq görülmüşdür (1989). Aldığı mükafatı şəhidlərin xatirəsinə ucaldılacaq abidə fonduna köçürmüşdür. "Cin" nağıl povesti Bakıda ingilis dilində (Vaqif Qəmbərovun tərcüməsində) kütləvi tirjla nəşr olunmuşdur.
- Balaca-bapbalaca. Bakı: Gənclik, 1982, 72 səh.
- Heç nə istəmir ana. Bakı: Yazıçı, 1983, 75 səh.
- Şam nağılı. Bakı: Gənclik, 1984, 64 səh.
- Əkil-bəkil (poema). Bakı: Gənclik, 1987, 72 səh.
- Əkil-bəkil. Bakı: İşıq, 1990, 170 səh.
- Üüü... Bakı: Gənclik, 1990, 208 səh.
- Cin (nağıl-povest). Bakı: Şur nəşriyyatı və "Cik-cik" qəzeti nəşri, 1993, 32 səh.
- Nənəm təkdi. Bakı: "Cik-cik" qəzetinə əlavə. 1995, 45 səh.
- Ömrün Xəlsə çağları. "Cik-cik" qəzetinə əlavə, 1996, 16 səh.
- Şamaxı — Şam nağılı. Bakı: "Cik-cik" qəzetinə əlavə, 1996, 16 səh.
- Əlli yaşında. Bakı: Şirvannəşr, 1998, 100 səh.
- Ay külək, nə əsirsən. Bakı: Şirvannəşr, 2002, 52 səh.
(ruscadan)
- S.Şenkman. Biz kişilər. Bakı: İşıq, 1988, 256 səh. (şərikli).
- Azərbaycanın görkəmli uşaq yazıçısı Qəşəm İsabəylinin anadan olmasının 65 illiyi münasibətilə "Qəşəm İsabəyli Azərbaycanın görkəmli müasir uşaq yazıçılarından biri kimi" (metodiki vəsait)PDF (clb.az)
- Qəşəm İsabəyli - Uşaq şeirləri (edebiyyatqazeti.az)
- Qəşəm İsabəyli Andersen Fəxri Diplomuna layiq görülüb (alpaninfo.com)