Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinQırmızı göl (xorv. Crveno jezero) — Xorvatiyanın cənubunda şirin sulu göl. Karst mənşəli olan bu göl Xorvatiyanın İmotski şəhəri yaxınlığında yerləşir. Qırmızı göl də qonşu Modro gölü kimi dərin karst çuxurunda yerləşir. Göl yeraltı mağaranın dağılması nəticəsində formalaşmışdır[1]. Göl öz adını onu əhatə edən qırmızı-qəhvəyi rəngdə olan qayalıqdan almışdır. Süxürlar üzərində çoxlu miqdarda ferritlər toplanıb[1]. Göl üç tərəfdən dik qayalarla əhatələnib, bir tərəfi isə 1942-ci ildə baş vermiş zəlzələ zamanı dağılmışdır[2].
| Qırmızı göl | |
|---|---|
| xorv. Crveno jezero | |
.jpg) | |
| Ümumi məlumatlar | |
| Mütləq hündürlüyü | 281 m |
| Eni | 0,2 km |
| Uzunluğu | 0,2 km |
| Sahəsi | 0,03 km² |
| Dərin yeri | 287 m |
| Minerallaşma tipi | şirin |
| Yerləşməsi | |
| 43°27′16″ şm. e. 17°11′56″ ş. u. | |
| Ölkə |
 Xorvatiya |
  Qırmızı göl |
|
 Vikianbarda əlaqəli mediafayllar | |
Xorvat mağara assosiyasiyasının təşkil etdiyi beynəlxalq ekspedisiyasının ölçmələrinə görə mağara çuxurunun hündürlüyü 528 metr, gölün dərinliyi isə 287 metrdir. Bu göl Avropanın ən dərin göllərindən biri hesab olunur. Göldə suyun səviyyəsi düşən yağıntıların miqdarından asılıdır. Suyun səviyyəsi bəzən 30-50 metr dəyişə bilir. Gölün eni və uzunluğu eynidir — 200 metr.
Mağara çuxurunun həcmi təxminən 25—30 milyon km³-dir. Bunun 16 milyon km³-i su ilə doludur[2]. Həcminə görə də bu mağara çuxuru dünyanın ən böyük çuxurlarından biri hesab olunur[2]. Göldən su yeraltı axınla çıxır. Göl suyunun temperaturu dərin qatlarda 7 – 8°С olur. Suyu təmiz və şəffafdır.
Göl suyunda endemik Delminichthys adspersus və Adi ilişgən balıqlarına rast gəlinir[3][4]. İlin quraq vaxtlarında bu balığa ətraf çaylarda və göllərdə rast gəlinir. Bu onu göstərir ki, gölün digər su hövzələrlə yeraltı axın vasitəsilə əlaqəsi var.[2]
2001-ci ildə gölün 175 metr dərinliyində uzunsov kanal formasında mağara aşkar edilmişdir. Sualtı mağaranın ölçüləri təxminən 30 × 30 metrdir[5].
- Ozimec, Roman; Jalžić, Branko; Jelić, Dušan. "Preliminarni izvještaj prirodoslovnih istraživanja u okviru Speleoronilačke ekspedicije Crveno jezero 2017" [The Preliminary Report on Natural Sciences Research During the Cave Diving Expedition to the Red Lake 2017] (PDF). Subterranea Croatica (xorvat). 15 (2). dekabr 2017: 34–41. İstifadə tarixi: 14 sentyabr 2018.
- ↑ 1 2 "Natural beauties". Split and Dalmatia county Tourist Board. 21 iyul 2011 tarixində arxivləşdirilib.
- ↑ 1 2 3 4 "Crveno Jezero - Red Lake". Wondermondo. 4 iyul 2012 tarixində arxivləşdirilib.
- ↑ "Slobodna Dalmacija - Senzacionalno otkriće: na dnu Crvenog jezera u Imotskom u zamke živolovke uhvaćeni prvi špiljski organizmi! Svjetski stručnjak mr. Roman Ozimec našem novinaru pokazao sve". slobodnadalmacija.hr (xorvat). 14 oktyabr 2022. 8 noyabr 2022 tarixində arxivləşdirilib. İstifadə tarixi: 14 may 2024.
- ↑ "Cobitis illyrica". www.fishbase.se. 15 oktyabr 2022 tarixində arxivləşdirilib. İstifadə tarixi: 14 may 2024.
- ↑ "Wayback Machine" (PDF). web.archive.org. 9 yanvar 2014 tarixində arxivləşdirilib (PDF). İstifadə tarixi: 14 may 2024.