Qırmızı Ürəklər Fondu (ing. Red Hearts Foundation) — Azərbaycanda fəaliyyət göstərən xeyriyyə fondu. Fond 15 dekabr 2020-ci ildə Azərbaycan Respublikası Ədliyyə Nazirliyi tərəfindən dövlət qeydiyyatına alınmışdır.[1]
| Qırmızı Ürəklər Fondu | |
|---|---|
 | |
| Növü | Xeyriyyə fondu |
"Qırmızı Ürəklər" 2020-ci ilin əvvəlində Kapital Bank-ın əməkdaşlarından ibarət kiçik könüllü qrupu kimi fəaliyyətə başlamışdır. Cəmi 49 nəfərlə başlayan təşəbbüs qrupu qısa müddətdə üzvlərinin sayını 200 nəfərə çatdırmışdır. Komanda Vətən müharibəsi iştirakçılarına, qazilərə, şəhid ailələrinə və övladlarına mütəmadi maddi-mənəvi yardım göstərmişdir.
Fond 10 dekabr 2020-ci ildə "Kapital Bank" ASC-nin törəmə şirkəti olan "Bir-kredit" BOKT MMC tərəfindən təsis edilmişdir.[2]
Fondun əsas missiyası ictimai və sosial əhəmiyyətli məsələlərlə bağlı maarifləndirmə, təlim-tədris və sosial yönümlü layihələr həyata keçirməkdir. Fond dünyəvi dəyərlər əsasında xeyriyyəçilik mədəniyyətini cəmiyyət arasında yaymağı hədəfləyir.
Fond əsasən üç istiqamətdə fəaliyyət göstərir:
- Cəmiyyət: Həssas qruplara dəstək və sosial layihələr.
- Ətraf mühit: Ekoloji tarazlığın qorunması və ağacəkmə kampaniyaları.
- Heyvanlar: Sahibsiz heyvanların mühafizəsi və qayğısı.
- Hər Şey Mümkündür: Daun sindromlu uşaqların sosial-psixoloji reabilitasiyasına və inkişafına dəstək layihəsi.
- Qəhrəmanlar Bağı: Regionlarda şəhidlərin xatirəsinə ağacəkmə aksiyası.
- Onlar Bizə Əmanətdir: Şəhid övladları üçün yeni il şənlikləri və hədiyyə kampaniyaları.
- Tarix Yazan Qəhrəmanlarımız: Aztəminatlı şəhid və qazi ailələrinə maddi dəstək və mənzil şəraitinin yaxşılaşdırılması.
- Pəncəli Ürəklər: Sahibsiz heyvanların müalicə və qida ehtiyaclarının qarşılanması.
- Sıfır Tullantı: Xəzər dənizinin sahil zonasının təmizlənməsi və ekoloji təbliğat.
Fondun "Hər şey mümkündür!" layihəsi "Kyiv International Advertising Festival"-da iki nominasiya üzrə (film PR & corporate image film və print & publishing PR) bürünc medala layiq görülmüşdür.