Qılkörpü (Qabaxlı körpüsü) — Dərələyəz mahalının Keşişkənd (06.12.1957-ci ildən — Yeğeqnadzor — indiki Ermənistanda) rayonu ərazisində, Canı çayının üstündə inşa edilmiş körpüdür.
| Qılkörpü | |
|---|---|
| Qılkörpü | |
| Ölkə |
 |
| Keçid | piyadalar üçün |
| Üslubu | Tağlı körpü |
| Uzunluğu | 10 metr |
| Eni | 3,5 metr |
| Hündürlüyü | 7 metr |
Körpü Azərbaycanın şimal-qərbində, Keşişkəndə yaxın ərazidən keçən Cani çayının üzərində yerləşir və hər iki tərəfdən sərt qayalara söykənir. XIII–XIV yüzillərdə inşa olunduğu ehtimal edilən və Canı çayının sağ və sol sahillərində qalıqları qalan körpü Qabaxlı ilə Hüseynqulular kəndini və Yazılı qayanın üstündə yerləşən Nəbilər kəndi arasında olan köhnə yolu birləşdirirdi.
Təməli çayın səthindən 6–7 m yüksəklikdə, sıldırım qayanın üzərində qoyulan birtağlı olmuşdur.[1] Körpünün yan dayaqları çay səthindən təqribən 7 metr yuxarıdan başlayır. Lakin bu məsafənin inşa zamanı daha az olduğu ehtimal olunur, çünki əsrlər ərzində çayın yatağı aşınaraq körpünün dayaqlarının səviyyəsindən aşağıya doğru enmişdir.
Qılkörpü iri qaya parçaları ilə tikilmişdir və tam salamat vaxtında körpünün uzunluğu təqribən 10 metr, eni isə 3,5 metr olmuşdur. Abidə yerli əhali arasında "Qılkörpü" adı ilə məşhur olsa da, eyni zamanda "Qabaxlı körpüsü" olaraq da tanınırdı. Bunun səbəbi isə Qabaxlı kəndindən gələn yolun bu körpüdən keçməsidir.[2]
- ↑ Əziz Ələkbərli. Qərbi Azərbaycan abidələri (Azərbaycan). səh. 142. 2023-07-02 tarixində arxivləşdirilib. İstifadə tarixi: 2023-06-13.
- ↑ "İrəvan şəhərində Azərbaycan memarlığı". anl.az. İstifadə tarixi: 21 sen 2024.