Antarktida zoocoğrafi vilayəti Antarktida materikinin sahil zonasını, 60° c.en. dairəsindən cənubda yerləşən adaları və arxipelaqları (Cən. Georgi, Cən. Şetland, Cən. Orkney, Cən. Sandviç, Buve, Kerqelen və s.), Dünya okeanında isə təxminən 40° c. en. dairəsinədək olan su akvatoriyasını əhatə edən zoocoğrafi və ya faunustik vilayətdir. Antarktidada quruda yaşayan məməlilər yoxdur, ancaq bəzi qurdlara, xərçənglərə, ilbizlərə və qanadsız həşəratlara təsadüf edilir. Quşlardan: pinqvinlər, albatros və fırtına quşu geniş yayılmışdır. Materiksahili dayazlıqlarda beş növ suiti (Uedell suitisi, krabyeyən suiti, dəniz pələngi, adi ross suitisi, dəniz fili), balıqlardan: kabala, iynəbalıq, , açıq okean sahəsində isə balinaların müxtəlif növlərinə rast gəlinir.

Arktika zoocoğrafi vilayəti Kola yarımadasından Şpisbergenədək, oradan Qrenlandiya və İslandiya adaları arasından keçərək Nyufaundlendə qədər uzanan xətt üzrə və Berinq boğazı vasitəsilə sərhədlənmiş, əsasən okean akvatoriyasını (Şimal Buzlu okeanını) əhatə edir. Arktika zoocoğrafi vilayətində səth sularının temperaturu 0° C-yə yaxın olub, qışda mənfi işarəlidir; qışda və qismən yayda səthi buz örtüyü ilə bağlı olur. Suyun şorluluğu 30-32%-dir. Arktika zoocoğrafi vilayətinin heyvanat aləmi növ etibarilə çox kasıbdır, litoral sahəsində isə, demək olar ki, yoxdur. Buz örtüyünün kənar hissələrində yayda həyat canlanır; suitilər, ağ delfin, narval suitisi, morjlar, ağ ayılar toplanır, quşlar, xüsusilə qağayılar quş bazarları əmələ gətirirlər.

• 2017-07-04 at the Wayback Machine

• Antarktida
• Arktika

1. Qərib Məmmədov, Mahmud Xəlilov. Ensiklopedik ekoloji lüğət. Bakı-Elm-2008.