Qüdrət gəvəni Azərbaycanda Naxçıvan MR-da təbii halda yayılmışdır. Qüdrət gəvəni əsasən Naxçıvanın yuxarı dağ qurşağında bitir.
Azərbaycanın nadir və nəsli kəsilməkdə olan bitkisidir. CR B1ab(ı, ıı, ııı,)+2ab(ı, ıı, ııı).
Qüdrət gəvəninin Azərbaycanda təbii ehtiyatı azdır.
Təbiətdə hündürlüyü 25–30 sm-ə qədər olan tikanlı koldur. Tikanları dağınıq, 2–3 sm uzunluqda, bənövşə rəngli, düz möhkəm tüklə örtülüdür. Yarpağı 7 cüt, düz, lansetvarı, ucları şiş, 1 sm uzunluqda olub, yaşıl, boz tüklüdür. Yarpaqaltlıqları enli yumurtavarı, qısa tüklü, 8 mm uzunluqdadır. Yarpaq qoltuğunda əmələ gələn 2 çiçək 1–2 sm uzunluqda sünbülvarı çiçək qrupu əmələ gətirir. Çiçəkaltlıqları 5–6 mm uzunluqda, ensiz, yarpağaоxşar, ağ tüklüdür. Kasacığı 5–6 mm uzunluqda, dişicikləri bir-birindən aralıdır. Tacı 10 mm uzunluqda olub, kasacıqdan 2 dəfə uzundur. Dişiciyi uzunsov, qalın tüklüdür. İyunda çiçəkləyir, avqustda isə toxumu yetişir.
TQüdrət gəvəni toxum yolu ilə çoxalır.
Qüdrət gəvəninin təbii ehtiyatının dəyişilməsinin başlıca səbəbi insan fəaliyyətidir.
Becərilmir.
Qüdrət gəvəninin qəbul edilmiş qoruma tədbiri yoxdur.
Qüdrət gəvəninin Azərbaycanın "Qırmızı Kitabı"na daxil edilməsi tövsiyə olunur.
- Флора Азербайджана. т.5. 1954; Флора Kaвkaзa. т.5. 1954;
- Azərbaycanın ağac və kolları. I cild. 1961;
- Azərbaycan florasının konspekti. I–III cildlər. 2005; 2006; 2008;
- Naxçıvan Muxtar Respublikası florasının taksonomik spektri. 2008;
- Naxçıvan MR-nın flora müxtəlifliyi və onun nadir növlərinin qorunması. 2011.
- Tofiq Məmmədov, Elman İsgəndər, Tariyel Talıbov. "Azərbaycanın Nadir Ağac və kol bitkiləri", Bakı: "Elm", 2014, 380 səh