Portuqaliyalı Eleonora (Müqəddəs Roma imperatriçası)

Portuqaliyalı Eleonora
Portuqaliyalı Eleonora
Müqəddəs Roma imperatriçası
Əvvəlki	Seleli Barbara
Sonrakı	Bianka Mariya Sforza
Şəxsi məlumatlar
Doğum tarixi	18 sentyabr 1434 və ya 18 sentyabr 1436
Vəfat tarixi	3 sentyabr 1467 (30–32 yaşında)
Vəfat yeri	Viner-Noyştadt[d], Aşağı Avstriya[d], Avstriya hersoqluğu, Müqəddəs Roma imperiyası;
Vəfat səbəbi	dizenteriya
Dəfn yeri	Viner-Noyştadt[d];
Atası	I Eduard
Anası	Araqonlu Eleonora
Həyat yoldaşı	III Fridrix
Uşaqları	Hersoq Kristofor; I Maksimilian; Hersogiyna Helena; Hersoginya Kunigunde; Hersoq Juan
Ailəsi	Avis sülaləsi
Dini	Roma-Katolik kilsəsi
	Vikianbarda əlaqəli mediafayllar

Portuqaliyalı Eleonora (port. Leonor de Portugal) (18 sentyabr 1434 və ya 18 sentyabr 1436 – 3 sentyabr 1467, Viner-Noyştadt^[d], Avstriya hersoqluğu) — Müqəddəs Roma imperatoru III Fridrixin xanımı, Portuqaliya infantası.

Həyatı

İlk illəri

Eleonora 1434-cü ildə dünyaya gəldi. Atası Portuqaliya kralı I Eduard, anası isə Araqon kralı I Ferdinandın qızı Araqonlu Eleonoradır. Hələ 4 yaşında ikən atası vəfat etdi və qardaşı V Afonso adı ilə taxta əyləşdi. Ancaq azyaşlı qardaşına naiblik uğrunda anası ilə əmisi İnfant Pyotr arasında siyasi mübarizə davam edirdi. Bu siyasi mübarizədə məğlub olmasının ardından anası 1440-cı ilin dekabrında Kastiliyaya qaçmağa məcbur oldu. Ancaq o əsnada 6 yaşlı Eleonora xəstə idi və anası ilə birlikdə gedə bilmədi.

Evliliyi

Eleonoranın evliliyi bibisi olan Burqundiya hersoginyası Portuqaliyalı İzabella və dayısı olan Neapol kralı V Alfonso tərəfindən planlandı. Bu məqsədlə dayısı öz sarayından rəssamlar göndərərək qızın portretlərini hazırlatdı və namizədlərinə göndərdi. Eleonoranın 2 namizədi vardı: Fransa kralı VII Çarlzın vəliəhdi Lüdovik və Müqəddəs Roma imperatoru III Fridrix. Ancaq Eleonora ikinci təklifi qəbul etdi. Çünki bu evliliklə o, kraliça yox imperatriça olacaqdı. Gedən danışıqlar 1451-ci ildə tamamlandı və cütlük Sienada görüşdü. 16 mart 1452-ci ildə Romada baş tutan nikahın ardından tacqoyma mərasimində ona Helena adlı verilsə də, o, bu adı heç vaxt istifadə etmədi. Toy mərasiminə dayısı Neapol kralı V Alfonso ev sahibliyi etdi.

Ancaq Eleonora və Fridrix tamamilə fərqli xarakterə malik idi və bu səbəblə, heç xoşbəxt olmadılar. Portuqaliya sarayındakı zəngin və göstərişli həyatın ardından, xəsisliyi ilə məşhur olan Fridrixin Vyanadakı sakit sarayında çox sıxılan Eleonora saray və yerli xalq tərəfindən çox sevildi. 3 sentyabr 1467-ci ildə vəfat etdi.

Övladları

Hersoq Kristofor (16 noyabr 1455 — 21 mart 1456)
I Maksimilian
Hersoginya Helena (3 noyabr 1460 — 28 fevral 1461)
Hersoginya Kunigunde (16 mart 1465 — 6 avqust 1520)
Hersoq Juan (9 avqust 1466 — 10 fevral 1467)

Mənbə

Sigrid-Maria Größing, AEIOU — Glück und Unglück im österreichischen Kaiserhaus, Verlag Amalthea, ISBN 978-3-85002-633-8