Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin.jpg)
Azərbaycanın yumşaq gücü və mədəni diplomatiyası — sovet və müstəqillik dövründə Azərbaycanın ölkələrarası münasibətlərdə yeritdiyi siyasət. Bu siyasət çoxsaylı yerli və beynəlxalq tədbirlər və konfranslar, nüfuzlu idman yarışları, müxtəlif qurum və təşkilatların, o cümlədən mədəniyyət mərkəzlərinin fəaliyyətləri, diasporalar ilə əməkdaşlıq və başqa üsullar ilə dəstəklənir.
Azərbaycanda Türk Dövlətləri Parlament Assambleyası, Türk Mədəniyyəti və İrsi Fondu, Qoşulmama Hərəkatı Gənclər Təşkilatı, İslam Əməkdaşlıq Təşkilatının Əmək Mərkəzi və Bakı Təşəbbüs Qrupu yerləşir. Azərbaycanda ənənəvi keçirilən beynəlxalq tədbirlər Bakı prosesi, Qlobal Bakı Forumu və Şuşa Qlobal Media Forumudur. Azərbaycan dövləti xaricdəki Azərbaycan evləri vasitəsilə öz diasporu ilə əlaqələr qurmağa çalışır və Azərbaycan dili, mədəniyyəti və adət-ənənələrinin xaricdə yaşadılması üçün səylər göstərir. Xaricdəki Azərbaycan Dil və Mədəniyyət Mərkəzləri isə ölkədən kənarda Azərbaycan dilinin və mədəniyyətinin təbliği, digər ölkələrlə mədəni əlaqələrin qurulması üçün yaradılır. SOCAR və Heydər Əliyev Fondu Azərbaycanın vacib yumşaq güc forması vasitələridir.
2020-ci illərin ortalarında Azərbaycan Orta Şərq diplomatiyasında yeni oyunçu olaraq meydana çıxmışdır. Bu zaman Azərbaycan münaqişələrə vasitəçilik etmək və enerji sövdələşmələri etmək üçün öz neytrallığını və rəqib güclərlə diqqətlə balanslaşdırılmış əlaqələrini istifadə etmişdir.