Azərbaycan ali mədəniyyəti — sovet hakimiyyəti tərəfindən qəbul edilən, yaradılmasına və təbliğinə imkan verilən Azərbaycan mədəniyyəti. Sovet dövründə "ali mədəniyyət" anlayışı milli kanonun Moskva tərəfindən təsdiqləndiyi bir vasitə kimi, müstəmləkəçiliyi əks etdirirdi. Sovet dövründə Azərbaycan ali mədəniyyətinin legitimliyi sovet hakimiyyəti tərəfindən onun tanınması və qəbulu ilə bağlı idi.
Stalinizmin ali mədəniyyətə və monumentalizmə üstünlük verməsi, vaxtilə poeziya istiqamətli fars ənənəsinin bir hissəsi olan və milli əlifbaya malik olmayan Azərbaycanı çətin vəziyyətə salmışdır. Azərbaycan Yazıçılar Birliyinin ilk sədri Məmmədkazım Ələkbərli (1905–1938) birliyin qurultayındakı çıxışında Azərbaycan ədəbiyyatı tarixindən danışarkən guya türk, fars və ərəb dillərində şeirlər yazmış VIII əsr şairi Zibeydə Xatundan bəhs etməklə sözünə başlamışdır. Bu personaj Azərbaycan milli kanonuna daxil ola bilməsə də, ona istinad Azərbaycan rəsmilərinin milli ədəbiyyatlarının tarixi dərinliyini nümayiş etdirmək cəhdlərini təmsil edirdi.
Sovet mədəni siyasəti Azərbaycan musiqisinin polifoniya və Avropa orkestr formalarını qəbul etməsini tələb edirdi. Yekunda əldə edilən nəticələr Sovet Azərbaycan mədəniyyətini İran mədəniyyətindən fərqləndirir və Sovet Azərbaycanına İran azərbaycanlılarına "hədiyyə" ediləcək fərqli bir məhsul təqdim edirdi.