Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin.jpg)
Məndə sığar iki cahan, mən bu cahanə sığmazam — İmadəddin Nəsiminin məşhur qəzəli. Azərbaycan dilində, rəcəz bəhrində yazılmışdır. Nəsimi bu şeirə xüsusi əhəmiyyət verərək onu fars dilində də yazmışdır. Nəsiminin "Sığmazam" rədifli qəzəlində onun hürufilik təriqətinin ideya-fəlsəfi spektrləri əlvanlaşır və genişləyir. Burada "mən insanam" qürurundan yaranan iftixar hissi çox zəngin bir şəkildə təsvir edilmişdir. Bu şeirdə insanla Tanrı eyniləşdirilir. Kamil insan burada vəhdətül-vücud düşüncəsinə sahib bir panteistdir, bütün kosmik cisimlər, mələklər, vəhyin özü, beş vaxt namaz, dörd ünsür, altı cəhət, qədr gecələrinin hamısı insandır. Nəsimi bu fikirlə razılaşmayanları "dilini çəkib dinməz olmağa" çağırır.
Azərbaycan aktyoru Rasim Balayev Nəsimi obrazını 1971-ci ildə eyniadlı filmdə canlandıraraq "Sığmazam" qəzəlini oxumuşdur. Britaniya müğənnisi Sami Yusif 2019-cu ildə "Məndə sığar iki cahan, mən bu cahana sığmazam" qəzəlinə həsr olunmuş musiqi kompozisiyası hazırlamışdır. Bu əsər ilk dəfə UNESKO-nun Ümumdünya İrs Komitəsinin 43-cü sessiyasının açılışında ifa edilmiş, daha sonra "YouTube" vebsaytına yüklənmişdir. Burada muğam ifaçısı Təyyar Bayramov və Aşıq Samirə onu müşayiət edir.