Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
Qafar Kəndli — Azərbaycan ədəbiyyatşünası, xaqanişünas alim, filologiya elmləri doktoru. Azərbaycan Demokrat Firqəsinin üzvü olub və "21 Azər" hərəkatında fədai kimi iştirak edib. Azərbaycan Milli Hökuməti dövründə mətbuatda məqalələri ilə çıxış edib. Milli-demokratik hərəkatda iştirak etdiyi üçün "21 Azər" medalı ilə təltif olunub.
Azərbaycan Milli Hökuməti dağıldıqdan sonra Qafar Kəndli Azərbaycan SSR-yə mühacirət edib. ADF Mərkəzi İcraiyyə heyətinin üzvü olub. Bakı Ali Partiya Məktəbində və Nizami adına Ədəbiyyat İnstitunda təhsil alıb. "Xaqani Şirvani (həyatı, dövrü və mühiti)", "Sadıq bəy Əfşar", "Hacı Zeynalabdin Şirvani" əsərlərini yazıb. Nəsirəddin Tusinin "Tənsuqnameyi-elxani" əsərini və Məhəmmədəli Tərbiyətin "Danişməndani-Azərbaycan" əsərini Azərbaycan dilinə tərcümə edib. 1980-ci ildən 1997-ci ilədək AMEA Ədəbiyyat İnstitutunun "Qədim dövr Azərbaycan ədəbiyyatı" şöbəsinin müdiri vəzifəsində fəaliyyət göstərib.
Qafar Əli oğlu Herisçi 1923-cü ildə Təbriz şəhərində anadan olub. Azərbaycan Demokrat Firqəsinə üzv olub və "21 Azər" hərəkatında fədai kimi iştirak edib. 1945-ci il dekabrın 12-də Azərbaycan Milli Hökuməti qurulub. Azərbaycan Milli Hökuməti dövründə mətbuatda məqalələri ilə çıxış edib. 1946-cı ilin mart ayında milli-demokratik hərəkatda iştirak etdiyi üçün "21 Azər" medalı ilə təltif olunub.