…Çar hökuməti Cənubi Qafqazı ələ keçirdikdən sonra Azərbaycan zadəgan ailələrinə etimad göstərməyə məcbur olmuşdur. Buna əsas səbəblərindən biri zadəgan ailələrinin ərəb, fars, türk dilləri və islam mədəniyyəti barədə biliklərindən, onların müsəlman aləmi ilə sosial-mədəni əlaqələrindən, İran ərazisindəki bir çox zadəgan ailələri ilə qohumluq əlaqələrindən istifadə edərək Rusiyada şərqşünaslıq məktəbini yaratmaq və hərbi-kəşfiyyat işlərində bu məlumatları tətbiq etmək məqsədi idi.
…Fikrət Əmirov"Min bir gecə" baleti üzərində işə başlamazdan əvvəl İran, İraq, Türkiyə, Misir, Suriya, Mərakeş və Hindistana səyahət etmiş, ümumşərq mədəniyyəti ilə sıx təmasda olmuşdur. Bu ölkələrə səfərləri zamanı, Əmirov şifahi ənənəli peşəkar musiqidə bir sıra ortaq cəhətləri hiss etmişdir. Əmirovun xüsusən ərəb musiqisi ilə daimi təması Azərbaycan xalq musiqisi və şərq xalqlarının musiqisi arasında oxşarlıqları dərk edə bilməsinə təkan vermişdir.
…Mirzə Şəfi Vazehgözəl xəttat idi (şəkildə). Onu yaxından tanıyan Fridrix Bodenştedt yazırdı: Mirzə Şəfi çox gözəl yazırdı və eyni zamanda gözəllik və rəngarənglik gətirirdi: hərfləri mətnin məzmununa uyğun düzəldirdi. Əgər o adi şeylər barədə yazmalı olurdusa, onda o, onları adi paltarlara geydirirdi, qəşəngləri isə bayramsayağı xətlə, qadınlara göndərilən məktubları xüsusi nazik xətlə yazırdı.
