Portal:Azərbaycan mədəniyyəti/Bilirsinizmi/11

…Aləmin yatdığı vaxt Novruz bayramına açılacaq gecə gündüzə çeviriləndə, bulaqlar, dərələr, çaylar, yəni bütün axan sular bir anlığına dayanıb, təkrar axanda baş verir. Bu zaman canlı və cansız aləmdə olan hər şey bir anlıq yatır və sonra oyanır. Bunun mənası ölüb-dirilmədir.
…Şah İsmayıl məhəbbət dastanı bəzi tədqiqatçılara (məsələn, Həmid Araslı) görə Şah İsmayıl Xətainin, digərlərinə görə isə (məsələn, Məmmədhüseyn Təhmasib) onun nəvəsi II Şah İsmayılın adı ilə bağlıdır.
…Bayıl qalasının hal-hazırda su altında qalan, 1234-cü ilə aid tikilisinin Pirsaatçay yaxınlığındakı tikiliyə bənzər bir xanəgah (qala ilə əhatə edilmiş sufi monastırı) olduğu fikirləşilir.
…XVIII əsrin sonu—XIX əsrin əvvəllərində xan və bəy tövlələrindəki atların xüsusi damğası olurdu, at sahibinin adı ərəb qrafikası ilə düzəldilmiş qəliblə atın sol budunun üzərinə basılırdı. Mehdiqulu xan Cavanşirin damğası sadəcə "Mehdi" adı idi, onun övladları da bu damğanı vurmağa davam etmişdir. Mehdiqulunun qardaşı, Qarabağ taxtına iddiaçı olan Cəfərqulu xan Cavanşirin damğası "Cəfər" adının ərəb yazıları ilə təsviri idi.