Pol Rend (ing. Paul Rand; 15 avqust 1914[1][2][…] və ya 15 dekabr 1914[3], Bruklin, Nyu-York ştatı – 26 noyabr 1996[1][2][…]) — Amerikalı qrafik dizayner. O, IBM, UPS, Enron, Morningstar, Inc., Westinghouse, ABC və NeXT şirkətləri də daxil olmaqla, korporativ loqotiplər üzərində işi ilə tanınır. Rend qrafik dizaynın İsveçrə üslubunu mənimsəyən və tətbiq edən ilk Amerika kommersiya rəssamlarından biri idi.
| Pol Rend | |
|---|---|
 | |
| Doğum tarixi | 15 avqust 1914[1][2][…] və ya 15 dekabr 1914[3] |
| Doğum yeri | |
| Vəfat tarixi | 26 noyabr 1996[1][2][…] (81–82 yaşında) |
| Vəfat səbəbi | xərçəng xəstəliyi |
| Təhsili |
|
| Fəaliyyəti | dizayner, qrafik dizayner, müəllim |
| paulrand.design | |
 Vikianbarda əlaqəli mediafayllar | |
Rend 1956-cı ildən 1969-cu ilə qədər və 1974-cü ildən 1985-ci ilə qədər dərs dediyi Konnektikut ştatının Nyu-Heyven şəhərindəki Yel Universitetində Qrafik Dizayn üzrə Fəxri Professor idi. O, 1972-ci ildə Nyu-York İncəsənət Direktorları Klubunun Şöhrət Zalına daxil edilmişdir.[4][5]
Pol Rend 15 avqust 1914-cü ildə Bruklin şəhərində anadan olub. O, Nyu-Yorkdakı Pratt İnstitutu və Parsons Dizayn Məktəbində təhsil alıb. Onun təhsil illərində Bauhaus məktəbinin təsiri altında formalaşan modern dizayn prinsipləri gələcək yaradıcılığına yön vermişdir.
Rend IBM, UPS, ABC və Westinghouse kimi dünya səviyyəsində tanınan böyük korporasiyalar üçün loqolar hazırlamışdır. Onun hazırladığı loqolar sadə, lakin yaddaqalan və uzunömürlü dizayn nümunələri olmuşdur. IBM loqosu, Paul Randın modern dizayna olan yanaşmasının mükəmməl nümunələrindən biridir. O, IBM üçün hazırladığı loqoda sadə və geometrik formaları birləşdirərək, güclü və etibarlı bir vizual identifikasiya yaratmışdır.
Rend ömrünün son illərini dizayn işlərinə və xatirələrini yazmağa həsr etmişdir. 1996-cı ildə 82 yaşında Konnektikut ştatının Norvalk şəhərində xərçəngdən vəfat etmişdir.[6] O, Bet-El qəbiristanlığında dəfn edilmişdir.[7]
Pol Rend dizayn haqqında bir sıra kitablar yazmışdır. Onun məşhur kitablarından bəziləri bunlardır:
- "Thoughts on Design" (1947) – Dizayn nəzəriyyəsi və praktikası haqqında fundamental kitab.
- "Design, Form, and Chaos" (1993) – Dizaynın əsas prinsipləri və onun sənaye ilə əlaqəsi haqqında kitab.
- ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 4 Paul Rand // Encyclopædia Britannica (ing.).
- ↑ 1 2 The Fine Art Archive. 2003.
- ↑ "Paul Rand: A Brief Biography". paul-rand.com (ingilis). 23 avqust 2018 tarixində arxivləşdirilib. İstifadə tarixi: 22 oktyabr 2014.
- ↑ "Obituary: Paul Rand". Yale Bulletin (ingilis). 15 aprel 2015 tarixində orijinalından arxivləşdirilib. İstifadə tarixi: 22 oktyabr 2014.
- ↑ Heller, Steven. "Paul Rand, 82, Creator of Sleek Graphic Designs, Dies". The New York Times. 28 noyabr 1996. 28 oktyabr 2021 tarixində arxivləşdirilib. İstifadə tarixi: 28 oktyabr 2021.
- ↑ Paul Rand (1914—1996) на сайте en:Find A Grave.
- paulrand.design — rəsmi saytı