Platon İqnateviç İoseliani (gürc. პლატონ ეგნატეს ძე იოსელიანი; 15 noyabr 1810 – 15 noyabr 1875) — gürcü tarixçi və Rusiya İmperiyasında dövlət qulluqçusu. Gürcüstanın mülki və kilsə tarixinin tədqiqatçısıdır. Georgi Saakadzenin və son gürcü kralı XII Georginin bioqrafı olmuşdur.
| Platon İoseliani | |
|---|---|
 | |
| Doğum tarixi | 15 noyabr 1810 |
| Vəfat tarixi | 15 noyabr 1875 (65 yaşında) |
| Dəfn yeri | |
| Mükafatları |
 |
 Vikianbarda əlaqəli mediafayllar | |
Sankt-Peterburq İlahiyyat Akademiyasını bitirdikdən sonra Tiflis İlahiyyat Seminariyasında fizika və fəlsəfə müəllimi işləmişdir. Sonralar Qafqaz canişinin yanında xüsusi tapşırıqlar üzrə məmur vəzifəsində çalışıb. 1849-cu ildə Mixail Vorontsovun dəstəyi ilə Yunanıstana dövlət səfəri etmiş və İveron monastırını ziyarət etmişdir.
İoselianı gürcü kilsəsinin tarixi və Tiflis qədim əşyaları üzrə tanınmış mütəxəssis idi. O, akademik Mari Brosse ilə əməkdaşlıq etmişdir. 1838-ci ildə İmperator Elmlər Akademiyası və Rus Pravoslav Kilsəsinin Müqəddəs Sinodu İoselianiyə Gürcü Sinodal Komitəsi tərəfindən toplanmış qədim tarixi sənədlərin (qucarların) təhlilini tapşırmışdır.[1]
1845–1855-ci illərdə İoseliani "Zakavkazski vestnik"in redaktoru vəzifəsində çalışıb.
İoselianinin yazıları "Xalq Maarif Nazirliyi jurnalı" (1842), "Daxili İşlər Nazirliyi jurnalı" (1844), "Kavkaz", "Kavkazskiy kalendar" və bir sıra digər yerli nəşrlərdə dərc edilmişdir. "Dağıstan üzrə səyahət qeydləri" kitabını yazmışdır (1862). 1880-ci ildə İoselianinin son əsəri olan "Sonuncu gürcü kralı George haqqında" "İveria" qəzetində dərc olunub.[2]
İoseliani şahzadə Anna Baqration-Muxraneli (1839–1913) ilə evlənmişdir.[2]
O, oğlunun sağalması üçün "əhd olaraq" tiktirdiyi Yüksəliş kilsəsinin (Amaqleba küçəsi) hasarında dəfn edilmiş və sonra Didube panteonunda yenidən dəfn edilmişdir.
- ↑ В 1811 г. Грузинская Православная Церковь была насильственно подчинена Петербургскому Святейшему Синоду.
- ↑ 1 2 Saitidze, Gela. "პლატონ იოსელიანი – რედაქტორი, პუბლიცისტი" [Platon Ioseliani – Editor, Publicist] (PDF). Studies in Modern and Contemporary History (Georgian və English). 1 (7). 2010: 13–35. ISSN 1512-3154.