Piter Prinql (ing. Peter Pringle) — Kanadalı musiqiçi və teleaparıcı. Uşaqlığında Kanada Opera Şirkətində soprano müğənnisi idi.
| Piter Prinql | |
|---|---|
| ing. Peter Pringle | |
| Ümumi məlumatlar | |
| Doğum tarixi | 7 sentyabr 1945 (79 yaş) |
| Doğum yeri | |
| Musiqiçi məlumatları | |
| Fəaliyyəti | cazmen, pianoçu, mahnı yazarı[d], YouTuber, televiziya prodüseri[d] |
| Fəaliyyət illəri | 1975-ci ildən |
| Janr | pop musiqisi |
| Musiqi aləti | piano |
1996-cı ilə qədər o, pop musiqisi ifa edirdi. Bundan başqa, Prinql müxtəlif musiqi alətlərində çala bilər, o cümlədən, termenvoksda.[1] 2014-cü ildə YouTube kanalında buraxdığı videosunda Piter Prinql gişqudi adlı Şumer musiqi alətində oynayıb Gilqameş dastanından bir hissəni oxuyub. Həmin video internetdə böyük maraq cəlb edib.[2][3]
Vaxtı ilə Piter Prinql müxtəlif adlar altında fəaliyyət göstərirdi.[4] Bəzi internet forumlarında səhvən iddia olunurdu ki, onun əsl adı Devid Mürreydir və güya o, müğənni Enn Mürreyin qardaşıdır. Həqiqətən də, Enn Mürreyin belə adlı qardaşı var idi. Lakin, o musiqiçi yox, cərrah idi və o, 2021-ci ildə dünyasını dəyişib.[5]
Prinql altı yaşında Kanada Opera Şirkətinin uşaq xorunda oxumağa başlayıb.[1] 1960-cı illərdə o, Torontodan Nyu Yorka köçüb, orada lyutnya, Hindistanda isə surbahar çalmağa öyrənmişdi. Bundan sonra daha bir neçə il ərzində, Prinql müxtəlif ölkələrdə yaşayıb və fərqli adları altında mahnıları və kino musiqisi yazırdı. 1975-ci ildə, o Los Ancelesə köçərək Warner Records şirkəti ilə müqavilə imzalamışdı və 1976-cı ildə onun öz adı altında olan ilk albomu üzə çıxıb. 1980-ci ildə Prinql Monreala köçüb[4] və ingilis və fransız dillərində pop mahnıları buraxmağa davam etmişdi.[1]
1985-ci ildə o, bir sıra başqa Kanadalı musiqiçi ilə Efiopiyada aclığa qarşı Les Yeux de la faim adlı xeyriyyə sinqlı buraxmışdı.[6] 1968-ci ildə isə, Prinql QİÇS-ə qarşı xeyriyyə konsertində iştirak etmişdi.[7]
O, bir müddət "Miss Teen Canada" gözəllik müsabiqəsinin müntəzəm aparıcısı[8] və TVA kanalında varyete proqramlarının aparıcısı idi.[1]
1998-ci ildə Prinql yenidən meydana çıxdı. Bu dəfə, termenvoks ifaçısı olaraq.[9] O, iki müstəqil termenvoks albomu buraxıb, bu alətlə həm solo,[10] həm də Monreal Kamera Orkestrı ilə birgə konsert ifa etmişdi.[1]
2007-ci ildən bəri Piter Prinql öz YouTube kanalında müxtəlif qədim dastanları və poemaları ifa edir.[11] O cümlədən, Gilqameş dastanı, və hördi gördi musiqi aləti ilə ifa etdiyi Beovulf dastanı.[12]
- Peter Pringle (1976)
- Rain Upon The Sea (1981)
- Magicien (1981)
- Fifth Avenue Blue (1982)
- Pour Une Femme (1982)
- Souris-Moi (1984)
- Fantasies (1984)
- Chansons d'amour (1984)
- Pauvre Casanova (1985)
- Noel Coward: A Portrait (1987)
- Le Jeu d'amour (1991)
- Le Secret du Cantique des Cantiques (1992)
- Comme j'étais - comme je suis! (1996)
- Many Voices (2003)
- A Theremin Jewel Box
- Dancing Alone (2021)
- ↑ 1 2 3 4 5 6 The Canadian Encyclopedia. Peter Pringle.
- ↑ “That’s Gilgamesh’d Up”: Recreating the Music of Ancient Sumer by cdossett. Boston University
- ↑ Canadian Artist Peter Pringle Sang the Epic of Gilgamesh in Sumerian Language on a Sumerian Instrument. The Archaeologist.
- ↑ 1 2 Peter Pringle
- ↑ "David Carson MURRAY: OCTOBER 23, 1938 – OCTOBER 28, 2021". Dignity Memorial.
- ↑ "They're singing for someone else's supper". Montreal Gazette, April 26, 1985,
- ↑ "AIDS benefit a Canadian first". Montreal Gazette, April 23, 1986.
- ↑ "Peter Pringle performs greatest songs of century". Toronto Star, September 27, 1990.
- ↑ "Think flying saucers, robots and blobs". Toronto Star, June 9, 1998.
- ↑ "Ghouls of fine arts: Creepy cultural countdown to Halloween in Festival Macabre". Montreal Gazette, October 14, 2000.
- ↑ "Peter Pringle - YouTube". YouTube.
- ↑ Pringle, Peter, Canadian Theatre Encyclopedia
- ↑ "New Genie ballots sent out after 'Cold as Ice' mix-up". Vancouver Sun, February 17, 1987.