Pionus chalcopterus və ya Tuncqanadlı tutuquşu — tutuquşukimilər yarımfəsiləsinə aid quş növü.
| Pionus chalcopterus | ||||||||||
|---|---|---|---|---|---|---|---|---|---|---|
.jpg) | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Pionus chalcopterus |
||||||||||
| Beynəlxalq elmi adı | ||||||||||
|
||||||||||
| ||||||||||
Tuncqanadlı tutuquşu əsasən tünd rəngdədir, çənəsində ağ ləkə var və üst döş nahiyəsi çəhrayı lələklərlə naxışlanmışdır. Bədən uzunluğu 27 sm, quyruğu 8 sm-dır. Qısa qırmızı alt quyruq lələkləri var. Bel, quyruq və qanadlar tünd mavi rəngdədir, alt qanadları isə daha açıq mavi rəngdədir. Başı tünd mavi-yaşıl rəngdədir, bel, arxa və alt hissələr tünd tunc-yaşıl rəngdədir və bəzi lələklərin ucları mavi, bəzən isə tək-tək qırmızı lələklərlə örtülüdür. Dimdiyi açıq sarı rəngdədir. Yetkin fərdlərdə göz ətrafındakı çılpaq dəri çəhrayı rəngdədir. Cavan fərdlərin göz ətrafındakı halqa ağ rəngdədir və alt hissələri qəhvəyi çalarlıdır.
Bu gün bir çox mütəxəssis bu növü monotipik hesab edir, lakin bəzi alimlər iki yarımnövün olduğunu qeyd edir:[3]
- "P. c. chalcopterus": Qərbi Venesuela, şimal və mərkəzi Kolumbiya.
- "P. b. cyanescens": Cənub-qərbi Kolumbiya, qərbi Ekvador və şimal-qərbi Peru. Lələklərin mavi kənarları daha geniş, çənə ləkəsi və ətrafındakı halqa daha kiçik və daha az fərqlidir.
Tuncqanadlı tutuquşuna Venesuelanın qərb hissəsində, qərb və mərkəzi Kolumbiyada, qərbi Ekvador və şimal-qərbi Peruda rast gəlinir. Venesuelada əsasən 900–1400 metr yüksəklikdə, Kolumbiyada əsasən 1400–2400 metr yüksəklikdə (bəzən 2800 metrə qədər), Ekvatorda əsasən 1400 metrdən aşağı və Peruda 800 metrdən aşağı yüksəklikdə rast gəlinir. Ümumiyyətlə meşə və meşəliklərin (həm rütubətli, həm də yarpağını tökən) təbəqəsini üstün tutur, lakin hündür ağacları olan bitişik ərazilərdə də tapıla bilər. Yayılma sahəsinin bəzi hissələrində kəskin miqrasiya edir, lakin bu hərəkətlər (ehtimal ki, yalnız qida mövcudluğu ilə əlaqədar) ümumiyyətlə az öyrənilmişdir.[3]
Adətən cütlüklər və ya on quşdan ibarət kiçik qruplar halında yaşayırlar.[4]
Tuncqanadlı tutuquşu ağac oyuqlarında yuva qurur. Yumurtalar ağ rəngdədir və adətən bir dəfəyə üç-dörd yumurta qoyulur. Dişi yumurtaları təxminən 26 gün ərzində qızardır və balalar yumurtadan çıxdıqdan təxminən 70 gün sonra yuvadan çıxır. Populyasiyası təhlükə altında deyil.[5]
- ↑ Integrated Taxonomic Information System (ing.). 1998.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ 1 2 Alderton, David. The Ultimate Encyclopedia of Caged and Aviary Birds. London, England: Hermes House. 2003. səh. 229. ISBN 1-84309-164-X.
- ↑ "Dr. K's Exotic Animal ER – CelebrityNewsy". celebritynewsy.com. 2018-10-31 tarixində orijinalından arxivləşdirilib.
- ↑ BirdLife International. "Pionus chalcopterus". IUCN Red List of Threatened Species. 2016. 2016: e.T22686195A93101927. doi:10.2305/IUCN.UK.2016-3.RLTS.T22686195A93101927.en. İstifadə tarixi: 12 November 2021.
- Иерусалимский И. Попугаи и певчие птицы: виды, содержание, обучение. — Ростов-на-Дону: Владис, 2001. — 320 с ISBN 5-94194-073-4
- Juniper & Parr (1998) Parrots: A Guide to Parrots of the World; ISBN 0-300-07453-0.
