Peçini (alb. Peqini) — Albaniyada şəhər və bələdiyyə.
| Peçini | |||
|---|---|---|---|
 | |||
|
|||
| 41°03′ şm. e. 19°45′ ş. u.HGYO | |||
| Ölkə | |||
| Tarixi və coğrafiyası | |||
| Mərkəzin hündürlüyü | 50 m | ||
| Saat qurşağı | |||
| Əhalisi | |||
| Əhalisi |
|
||
| Rəqəmsal identifikatorlar | |||
| Poçt indeksi | 3501 | ||
  Peçini | |||
 Vikianbarda əlaqəli mediafayllar | |||
Peçini Albaniyanın mərkəzində, Elbasan vilayətində yerləşir. Şəhər Şkumbin çayı sahilində yerləşir və tarixi yol olan "Via Eqnatia" yolunun üzərində yerləşməsi ilə strateji əhəmiyyətə malikdir. Şəhərin ətrafın zeytun və sitrus bağları ilə əhatə olunmuşdur. Şəhər, Aralıq dənizi iqliminə malikdir. Burada yaylar isti və quraq, qışlar isə mülayim və rütubətli keçir.
Bələdiyyə olaraq 2015-ci ildəki inzibati islahat nəticəsində Peçini, Gjoçaj, Karine, Pajove, Perparim və Şeze bələdiyyələrinin birləşməsi ilə yaradılmışdır. 2023-cü ilin məlumatına görə, bələdiyyənin əhalisi 16,580 nəfərdir.[2] Bunlardan 4,753 nəfəri şəhər əhalisidir.[2]
Peçini şəhəri Tirana və Elbasan şəhərlərini birləşdirən əsas magistral yolun üzərində yerləşdiyi üçün, şəhərə getmək rahatdır. Şəhərdə dəmir yolu stansiyası da mövcuddur və bu, Peçinini ölkənin digər bölgələri ilə əlaqələndirir.
Peçini şəhərinin tarixi 2000 ildən çox əvvələ gedib çıxır. Antik dövrdə şəhər "Claudiana" adı ilə tanınırdı və İlliriyalılar tərəfindən məskunlaşdırılmışdı.[3] Şəhər, Roma İmperiyası dövründə inşa edilmiş Eqnati yolunun üzərində yerləşirdi və bu yol vasitəsilə Adriatik və Egey dənizləri arasında əlaqə təmin olunurdu.
Osmanlı İmperiyası dövründə Peçini, Elbasan Sancağına daxil idi. Şəhərin adı bu dövrdə "Bekleyin" (qonaqpərvər yer) kimi tanınırdı. 17-ci əsrdə Peçinidə doğulmuş Abdurrahman Abdi Paşa, Osmanlı ordusunda yüksək vəzifələrdə çalışmış və 1666-cı ildə şəhərdə məscid və saat qülləsi inşa etdirmişdir.
2015-ci ildə Albaniyada keçirilən inzibati islahat nəticəsində Peçini bələdiyyəsi yaradılmış və şəhər bu yeni bələdiyyənin mərkəzi olmuşdur.
Peçini şəhəri, zəngin mədəni irsə malikdir. Şəhərdə müxtəlif mədəni tədbirlər və festivallar keçirilir. Ənənəvi Alban musiqisi və rəqsləri, şəhərin mədəni həyatında mühüm rol oynayır.[4]
Əsas Görməli Yerləri:
- Peçini Qalası: Roma dövrünə aid olan bu qala, sonradan Osmanlılar tərəfindən yenidən tikilmişdir. Qalanın divarları təxminən 12 metr hündürlüyündədir və içərisində saray və harem yerləşirdi.
- Abdurrəhman Paşa Məscidi və Saat Qülləsi: 1666-cı ildə inşa edilmiş bu məscid və saat qülləsi, Osmanlı memarlığının nümunələrindəndir.
- Eqnatia yolu: Antik Roma dövrünə aid bu yol, Peçini şəhərinin mərkəzindən keçir və şəhərin tarixi əhəmiyyətini artırır.
- ↑ GeoNames (ing.). 2005.
- ↑ 1 2 "Main Results of the Population and Housing Census 2023" (ingilis). İstifadə tarixi: 5 may 2025.
- ↑ "Blue Albania - We help you to explore Albania... - Portali me i madh turistik Shqiptar". BlueAlbania (al). İstifadə tarixi: 5 may 2025.
- ↑ "Quality of life in Peqin" (ingilis). İstifadə tarixi: 5 may 2025.