Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinPaver (パワー, Pava?) – Tatsuki Fucimoto tərəfindən yaradılmış "Chainsaw Man" manqa seriyasının personajı. Əsas personaj Denci ilə birlikdə müxtəlif düşmənlərə qarşı döyüşən bir ifritdir. Anime adaptasiyasında Fayruz Ay tərəfindən səsləndirilmişdir. Personajın təqdimatı, şəxsiyyəti və Denci ilə münasibəti bəyənilmişdir. Tənqidçilər onun anime və manqadakı döyüş səhnələri ilə güclərini müsbət qiymətləndirmişlər.
| Paver | |
|---|---|
| "Chainsaw Man" personajı | |
.png) | |
| Tatsuki Fucimoto tərəfindən çəkilmiş təsviri. | |
| İlk görünüş | "Chainsaw Man", 4-cü fəsil, "Paver" (22 dekabr 2018) |
| Yaradan | Tatsuki Fucimoto |
| Səsləndirən | Fayruz Ay |
| Profil | |
| İrqi | iblis (Qan ifriti) |
Paver "Cənubi Park" personajı Erik Kartmandan təsirlənərək yaradılmışdır. Tatsuki Fucimoto "Cənubi Park"ı ən sevdiyi seriallardan biri kimi göstərmişdir.[1] Fucimoto Paveri digər personajlarla əlaqəsini möhkəmləndirmək üçün onu Denci və Aki ilə eyni evdə yaşayan bir personaj kimi yazmışdır.[2]
Anime adaptasiyasında Paveri səsləndirən Fayruz Ay qeyd etmişdir ki, rejissor manqanı realistik anime adaptasiyasına çevirmək istəsə də, Paverin xarakteriziyasına sadiq qalmağa çalışmışdır. O, Paveri səsləndirərkən iblislərin nələr etdiyi haqqında məlumatsız idi.[3]
Paver İctimai Təhlükəsizlik Bürosunda Makimanın komandasında döyüşən Qan ifritidir. O, gənc bir qızın görünüşünə malikdir. İfrit olduğu üçün başında iki qırmızı buynuz var. Pover zorakılığı sevir, uşaq kimi davranır, acgözdür, özünü sevir və başqalarına zərər verməkdən çəkinmir. Buna baxmayaraq, Myau (ニャーコ, Nyako?) adlı pişiyini çox sevir, hətta pişiyini Yarasa iblisindən xilas etmək üçün Dencinin həyatını fəda edir. Lakin vaxt keçdikcə Denci və Aki ilə yaxın dost olur. Onlarla birlikdə müxtəlif iblislərə qarşı döyüşməyə başlayır.
Paver, Denci, Aki və digər iblis ovçuları ilə Cəhənnəmdə Qaranlıq iblisi ilə qarşılaşdıqdan sonra Paverdə bir müddət posttravmatik stress pozuntusu yaşanır. Denci onun sağalmasına kömək edir, lakin Aki Silah ifritinə çevriləndə Denci Akini öldürür. Bu hadisə Denci və Paveri sarsıdır. Daha sonra Makima Paveri Dencinin gözündə öldürür. Buna baxmayaraq, Paver Paverin xahişi ilə Dencinin qanından yenidən dirilir və özünü fəda edərək Dencinin həyatını xilas edir. O, ölərkən Denci ilə müqavilə bağlayır: qanı qarşılığında Denci yenidən doğulmuş Qan iblisini tapmalı, onu yenidən Paverə çevirməli və yenə dost olmalıdır. Denci Paverin qanından hazırlanmış zəncirli mişarla Makimanı öldürə bilir.[4]
Tənqidçilərin Paverin seriyada işlənməsini bəyənmişlər. "Anime News Network" saytı personajı bəyənmiş, onu "ən yaxşı qız" adlandırmışdır.[5] "Anime UK News" Paverin Dencini manipulyasiya etdiyi səhnələri bəyənmişdir.[6] "Polygon" Paverin manqanı daha maraqlı edən personajlardan biri kimi göstərmişdir.[7] "Kotaku" Paver ilə Denci arasındakı münasibətləri bəyənmişdir.[8] "The Mary Sue" Paveri seriyadakı ən yaxşı personaj adlandırmışdır.[1]
Manqanın populyarlıq anketində Paver birinci yeri tutmuşdur.[9] Digər bir populyarlıq anketində Aki Hayakava və Makimadan sonra üçüncü yerdə qərarlaşmışdır.[10] "Anime News Network" saytında Kristofer Ferris Paveri 2022-ci ildə ən sevdiyi qadın personaj adlandırmış, onun Denci ilə münasibətlərini və Fayruz Ay tərəfindən səsləndirilməsini bəyənmişdir.[11] 8-ci Crunchyroll Anime Mükafatında Paver "Ən yaxşı köməkçi personaj" kateqoriyasında namizəd göstərilmişdir.[12]
- ↑ 1 2 Carey, Kirsten. "Fan-Favorite 'Chainsaw Man' Character Was Inspired By 'South Park's Eric Cartman". The Mary Sue. 3 noyabr 2022. İstifadə tarixi: 25 aprel 2023.
- ↑ Cardine, Kyle. "INTERVIEW: Chainsaw Man Anime Staff on the Series' Young, Crazy Energy". Crunchyroll. 29 iyul 2022. 19 noyabr 2022 tarixində orijinalından arxivləşdirilib. İstifadə tarixi: 18 noyabr 2022.
- ↑ "Interview Chainsaw man power Voice Actor Fairouz Ai". Sekai Tomodachi. 23 yanvar 2023 tarixində orijinalından arxivləşdirilib. İstifadə tarixi: 26 aprel 2023.
- ↑ Fujimoto, Tatsuki. Chainsaw Man. 11. Viz Media. 2022. ISBN 978-1-9747-2711-7.
- ↑ Beckett, James. "Chainsaw Man Episode 3". Anime News Network. 27 oktyabr 2022. İstifadə tarixi: 25 aprel 2023.
- ↑ Wolf, Ian. "Chainsaw Man Volume 1 Review". Anime UK News. 4 oktyabr 2020. İstifadə tarixi: 25 aprel 2023.
- ↑ Lee, Julia. "Chainsaw Man is Shonen Jump's new gore-filled success". Polygon. 6 oktyabr 2020. İstifadə tarixi: 25 aprel 2023.
- ↑ "Chainsaw Man Does The Shonen Anime Trio Formula Right". Kotaku. 29 dekabr 2022. İstifadə tarixi: 25 aprel 2023.
- ↑ VIZ Media. "Chainsaw Man Popularity Poll Results August 2022". Viz Media. 5 avqust 2022. İstifadə tarixi: 19 noyabr 2022.
- ↑ Hashimoto, Kazuma. "Chainsaw Man Popularity Poll Reveals Top Ten Most Popular Characters". Siliconera. 30 aprel 2021. İstifadə tarixi: 19 noyabr 2022.
- ↑ "Nicholas Dupree, Richard Eisenbeis, Rebecca Silverman & The Best Characters". Anime News Network. 30 dekabr 2022. İstifadə tarixi: 25 aprel 2023.
- ↑ Hazra, Adriana. "All the Winners of the Crunchyroll Anime Awards 2024". Anime News Network. 2 mart 2024. 2 mart 2024 tarixində arxivləşdirilib. İstifadə tarixi: 2 mart 2024.