Paqonatın binası

Poqonatın binası Taqanroq şəhərində 1850-ci illərdə yerli memar Makedonskinin layihəsi əsaslnda inşa edilmişdir. Binanın sahibəsi şəhər bələdiyyəsinin sədrinin həyat yoldaşı Varvara Paqonat (bəzi mənbələrdə soyadı Paqanato, Poqonat) olmuşdur.

1887-ci ildə şəhər duması Varvara Andreyevna Paqonatın vəsiyyətnaməsini təsdiqləmişdir. Binanın sahibəsi binanın şəhər xəstəxanası və ya yetim, kasıb uşaqlar üçün xeyriyyə binası kimi istifadə olunmasını vəsiyyət etmişdir. Onun digər göstərişi isə binanın fasadında bu binanın xeyriyyə məqsədləri üçün İvan və Varvara Paqonat tərəfindən ianə edildiyinin yazıldığı lövhənin vurulması idi.

Binada aparılan uyğunlaşmalardan sonra 1890-cı ildə burada ikinci dördsinifli qızlar uçilişi açılmışdır. Sonradan uçilişin adı "Petrovski" olaraq dəyişdirilmişdir. Şəhərdə ikinci "Petrovski" uçilişi vardı. İkinci uçiliş oğlanlar üçün nəzərdə tutulurdu. 1906-cı ildə burada Paqonat uçilişi açılır.

19 iyun 1908-ci ildə binada şəhər xeyriyyə cəmiyyəti fəaliyyət göstərirdi. Əsas fəaliyyət istiqaməti zəif və kasıb uşaqlar idi. Bu cəmiyyəti İ. Е. Platonov idarə edirdi. Onun köməkçisi isə O. F. Proxorov olmuşdur.

1910-cu ildə binada yeni uçiliş açılır. Uçiliş xeyriyyə cəmiyyətinə aid idi. 1918-ci ildə isə internat binası olur. Böyük Vətən müharibəsindən sonra binada qocalar və əlillər evi yerləşirdi. Hazırda isə burada 100 yerlik Psixonevroloji internat yerləşir.

İki mərtəbədən ibarət olan bina 1850-ci illərdə inşa edilmişdir. Binanın fasadı müxtəlif dekor elementləri ilə işlənmişdir.

• Энциклопедия Таганрога. — Ростов-н/Д: Ростиздат, 2003. — 512 с. — ISBN 5-7509-0662-0