Panafina oyunları (q.yun. Παναθήναια, lat. Panathenaia) — qədim Afinada şəhərin himayədarı, ilahə Afinanın şərəfinə keçirilən ən böyük dini və siyasi festivallar.
Psevdo-Apollodora görə, "Panafiney" kimi tanınan festival padşah Erixtoni tərəfindən təsis edilmişdir.[1] Bu şənliklərdə iştirak etmək üçün oyunlardan sonra vəfat edən Krit şahzadəsi Androgey Attikaya gəlmişdir.[2] Harpokrationa görə, oyunlar əvvəllər "Afiney" adlanırdı.[3] Tesey Attikanın yaşayış məntəqələrini vahid dövlətdə birləşdirərək bayrama yeni bir ad vermişdir – "Panafiney", yəni "bütün afinalılar üçün bayram".[4]