Otto Ştrandman (est. Otto August Strandman)[1] — Estoniyalı dövlət xadimi.
| Otto Ştrandman | |
|---|---|
| est. Otto August Strandman | |
 | |
| Doğum tarixi | 30 noyabr 1875 |
| Vəfat tarixi | 5 fevral 1941 (65 yaşında) |
| Vəfat səbəbi | güllə yarası[d] |
| Təhsili | |
| Fəaliyyəti | siyasətçi, diplomat, hüquqşünas, vəkil, hakim |
| Mükafatları |
    |
 Vikianbarda əlaqəli mediafayllar | |
Sankt-Peterburq Universitetinin hüquq fakültəsində oxumuş (1899-1901)[2], Yuryev Universitetinin hüquq fakültəsini bitirmişdir (1903).
Universitetə daxil olmamışdan əvvəl Dövlət Bankının revel ofisində işləyib. 1903-1905-ci illərdə Narva və Reveldə hüquqşünas olaraq fəaliyyət göstərmişdir. 1904-1905-ci illərdə və 1917-ci ildə Revel şəhər dumasının üzvü idi. 1905-ci il inqilabi hadisələrində iştirak etmiş, 1905-1909-cu illərdə İsveçrədə sürgündə yaşamışdır. 1909-1917-ci illərdə Reveldə vəkillik etmişdir. 1917-ci ildə Fevral inqilabından sonra Rusiya Müvəqqəti Hökuməti tərəfindən Revel rayon məhkəməsinin prokuroru təyin edilir. 1917-1918-ci illərdə Estland Qubernatorluğunun Müvəqqəti Zemstvo Şurasının sədri olur.
1918-ci ildə - Ədliyyə Naziri.
1918-1919-cu illərdə Estoniya Müvəqqəti Hökumətində kənd təsərrüfatı naziri olub. 1918-ci ildə alman işğalçı qüvvələri tərəfindən həbs edilir. 1919-cu il mayın 9-dan 1919-cu il noyabrın 18-dək baş nazir və hərbi nazir olur.
1920-1921-ci illərdə Xarici İşlər Naziri işləyir.
1921-ci ildə Riyqikoqunun (Parlament) sədri olur. O, birinci və beşinci çağırışların Riyqikogu üzvü idi.
1924-cü ildə Xarici İşlər Naziri, sonra Maliyyə Naziri işləyir.
1927-1929-cu illərdə Estoniyanın Polşa, Çexoslovakiya və Rumıniyadakı səfiri olmuşdur.
1929-cu il iyulun 9-dan 1931-ci il fevralın 12-dək Dövlət başçısı olur.
1933-1939-cu illərdə Estoniyanın Fransa, Belçika, İspaniya və Vatikanda səfiri işləyir.
O, Estoniya İşçi Partiyasının liderlərindən biri olmuşdur.
Tartu Universitetinin (1928) və Varşava Universitetinin (1930) fəxri hüquq doktoru olur.
1939-cu ildə vətənə qayıdır və Kadrinadakı fermasında yaşayır. 1941-ci ildə SSRİ Xalq Daxili İşlər Komissarlığına çağırış alır. Bu qaçılmaz həbs demək idi və bundan sonra özünü güllələyir.
Birinci dərəcəli üçüncü kateqoriya Azadlıq Xaçı - mülki xidmətlərinə görə.
Estoniya bioqrafik lüğəti. - Tallinn, 2002.
- ↑ "Otto Strandmani sünd" (eston). Histrodamus. 21 January 2019 tarixində arxivləşdirilib. İstifadə tarixi: 8 June 2013.
- ↑ "Heads of State of the Republic of Estonia – Otto Strandman". 2005-01-24 tarixində arxivləşdirilib. İstifadə tarixi: 2022-05-23.