Osmanlı imperiyasının bayraqları

Osmanlı imperiyasının bayraqları — Osmanlı imperiyasının mövcudiyyəti boyunca istifadə etdiyi müxtəlif bayraqlar.^[1]

Osmanlı imperiyasının bayraqları
Vikianbarda əlaqəli mediafayllar

Osmanlı imperiyasının klassik dövrdə istifadə etdiyi müəyyən bayrağı yoxdur. Sultanların suvernelik əlamətləri olaraq müxtəlif tuğ, tuğra və sancaqlar istifadə edilmişdir. Osmanlı dövlətinin quruluşu ilə dövlətin varlığının simvolu olaraq Səlcuqlu hökmdarı tərəfindən Osman Qaziyə Ağ Sancaq göndərilmişdir.

Ay-ulduzun simvol olaraq qəbulu III Mustafa (1757–1774) dövründə başlamış, I Əbdülhəmid (1774–1789) və III Səlim (1789–1807) dövrlərində davam etmişdir. Alfred Znamierovskiyə görə, Osmanlı imperiyasının ay-ulduzlu qırmızı bayrağı istifadə etməyə başlaması 1793-cü ildən başlamışdır. Bu ilə aid əmrdə donanma kalyonlarına çəkilərək sancaqların al rəngdə olması və üzərilərində ağ ay və ulduzun olması əmr edilmişdir. 1844-cü ildə bu bayrağın bir versiyası Tənzimat reformunun bir hissəsi olaraq rəsmi Osmanlı bayrağı edildi. Bu bayraq hələ də Türkiyə Respublikasının bayrağı olaraq istifadə edilməkdədir. Bayrağın geometric xüsusiyyətləri 1936-cı ildəki "Türk bayraq qanunu" ilə hüququ baxımdan standartlaşdırılmışdır.

Erkən dövrdə bayraqdakı ulduzun guşə sayı müəyyən deyildir. 5 guşəli ulduz xaricində fərqli ulduzlar da istifadə edilmişdir.^[2] Məsələn, Koltonun 1862-ci il tarixli "Delineation of Flags of All Nations" kitabına bayraq 8 guşəli ulduzla göstərilmişdir. Steenbergenin eyni il yayımlanan "Vlaggen van alle Natien" kitabında 6 guşəli ulduzdan istifadə edilmişdir. İmperiyanın irəlidəki illərində ay və ulduzlu bayrağın istifadəsi (beş guşəli ulduzla) fotolarla sənədləşdirildi. Bundan əlavə, Osmanlı imperiyasının irəli dövrdəki bayrağının ay-ulduz olaraq adlandırımasının dövlət qeydləri vardır.