Oruc Məmmədli (tam adı: Məmmədli Oruc Mehbalı oğlu; 10 fevral 1965, Şıxmahmud, Naxçıvan rayonu — Azərbaycanlı idman xadimi, Azərbaycan Respublikası “Əməkdar Bədən Tərbiyəsi və İdman Xadimi”,[1] Ağır atletika üzrə beynəlxalq dərəcəli hakim.
| Oruc Məmmədli | |
|---|---|
| Oruc Mehbalı oğlu Məmmədli | |
| Doğum tarixi | |
| Doğum yeri | Şıxmahmud, Babək rayonu, Naxçıvan MSSR, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | Bakı Bədən Tərbiyəsi Texnikomu, Azərbaycan Dövlət Bədən Tərbiyəsi və İdman Akademiyası |
| Mükafatları | |
Məmmədli Oruc Mehbalı oğlu 10 fevral 1965-ci ildə Naxçıvan Muxtar Respublikası Babək rayon Şıxmahmud kəndində anadan olub. 1972-82-ci illərdə Babək rayon Şıxmahmud kənd məktəbində orta təhsil almışam. 1982-ci ildə Bakı şəhərində Bakı Bədən Tərbiyəsi Texnikomuna daxil olub. 1983-85-ci illərdə Ukraynada keçmiş Sovet Ordusunda hərbi xidmətdə olub. 1990-95-ci illərdə Azərbaycan Dövlət Bədən Tərbiyəsi və İdman Akademiyasında qiyabi təhsil almışdır. 6 noyabr 2006-cı ildə Azərbaycan Respublikasının Prezidenti yanında Dövlət İdarəçilik Akademiyasında “Azərbaycan Respublikasında gənclər siyasəti”proqramı üzrə ixtisasartırma kursu keçib.
Ailəlidir. 2 övladı,4 nəvəsi var.
1986-cı ildə təyinat üzrə Naxçıvan MR Babək rayon Payız kənd orta məktəbinə ixtisasım üzrə müəllim təyin edilib. 1987-ci ildə ailə vəziyyətimlə əlaqədar təyinatdan azad olaraq Bakı şəhərində keçmiş”Ehtiyat Əmək Qüvvələri” İdman Cəmiyyətində tədris idman şöbəsində təlimatçı vəzifəsinə təyinat alıb. 1991-ci il tarixində Tədris İdman Şöbəsində baş təlimatçı vəzifəsinə təyinat alıb. 06.12.1991-ci il tarixində Tədris İdman Şöbəsinin rəisi təyin olunub. 1 aprel 1994-cü il tarixində Respublika İxtisaslaşdırılmış Olimpiya Ehtiyatları Uşaq-Gənclər İdman məktəbinin direktoru təyin olunub. 2014-cü ildən hal-hazıra kimi Azərbaycan Gənclər və İdman Nazirliyində seleksiya üzrə Baş mütəxəssiz vəzifəsində çalışır. 2015-2020-ci illərdə Azərbaycan Kikboksinq Federasiyasının Baş katibi olub. 2019-cu ildən Azərbaycan Pençak Silat Federasiyasının Baş katibidir.
- 06.09.2006-cı ildən ağır atletika üzrə Beynəlxalq dərəcəli hakimdir.
- 02.03.2006-cı ildə Azərbaycan Respublikasının “Fəxri Bədən Tərbiyəsi və İdman İşçisi” adı verilmişdir.
- 01.03.2010-cu ildə Azərbaycan Respublikasının”Əməkdar məşqçisi”fəxri adı verilmişdir.
- Azərbaycan Respublikası Prezidentinin 2012-ci il 05 noyabr tarixli 2513 nömrəli Sərəncamı ilə “Əməkdar Bədən Tərbiyəsi və İdman Xadimi Fəxri adı verilmişdir.[2]
- ↑ Azərbaycanda idmanın inkişafında xidmətləri olan şəxslərə fəxri adların verilməsi haqqında Azərbaycan Respublikası Prezidentinin Sərəncamı[ölü keçid]t
- ↑ "Azərbaycan prezidenti idmanın inkişafında xidmətləri olan şəxslərin təltif olunması haqqında sərəncamlar imzalayıb - SİYAHI". 2023-08-06 tarixində arxivləşdirilib. İstifadə tarixi: 2021-02-17.