Orhus kafedralı (dan. Aarhus Domkirke) — Orhus şəhərində yerləşən kafedral kilsə. O, ölkənin ən uzun və ən hündür kilsəsidir. Onun uzunluğu 93 metr, hündürlüyü isə 96 metr təşkil edir. Orhus kafedralının tikintisi xII əsrdə başlamışdır və Danimarka Kilsəsinin Orhus yeparxiyasının əsas binasıdır. Dənizçilərin himayədarı olan Müqəddəs Klementə həsr edilmişdir. Kafedral şəhərin mərkəzi meydanı olan Böyük Meydanın liman tərəfində, daxili şəhərdə "Domkirkepladsen 2, 8000 Aarhus C, Danimarka" ünvanında yerləşir. Kilsə təxminən 1200 nəfərlik oturacaq tutumuna malikdir. Kafedral qorunan tarixi bina kimi qeydə alınmışdır və 1 fevral 2012-ci ildən tarixi abidə statusu daşıyır.[2]
| Orhus kafedralı | |
|---|---|
 | |
| Ölkə | |
| Yerləşir | Orhus kommunası[d] |
| Tikilmə tarixi | XIII əsr |
| Hündürlüyü | 96 m |
| Uzunluğu |
|
| Material | kərpic |
| Rəsmi sayt | aarhus-domkirke.dk |
| 56°09′24″ şm. e. 10°12′38″ ş. u. | |
 |
|
 Vikianbarda əlaqəli mediafayllar | |
Orhus çayının mənsəbi yaxınlığında ilk dəfə nə zaman məskunlaşma olduğu dəqiq məlum deyil. Şübhəsiz ki, 700-cü illərdə burada Vikinq şəhəri var idi. Son tədqiqatlar ilk şəhər divarının tikintisini 934-cü ilə aid edir. Orhus Vikinq dövründə kifayət qədər əhəmiyyətli bir şəhər olub, çünki şəhərdə və ya yaxınlığında altı run daşı var. Şəhərin adı XV əsrdən etibarən Oros, Orus, Orhus və ya Ors kimi tanınır. 1449-cu il şəhər nizamnaməsində onun adı "Orss" kimi qeyd olunur. Danimarkada Reformasiyadan sonra "Orhus" adı yayıldı. Orhusun ilk kilsəsi Müqəddəs Üçlük Kilsəsi, taxta bir struktura malik idi və təxminən 900-cü ildə Yutland Kralı Frodenin hakimiyyəti dövründə şəhərin dəfn məkanının üzərində, o zaman şəhərin mərkəzində inşa edilmişdi. İlk yepiskop 948-ci ildə Hamburq Arxiyepiskopu tərəfindən təyin edilmiş missioner yepiskop Reginbrand idi. Orhus 1060-cı ildə Viborq Arxiyepiskopunun nəzarəti altına keçdi. Adam Bremenskinin məlumatına görə, Orhus 998-ci ildən əvvəl asılı yeparxiya statusu almışdı.[3][4]
Müqəddəs Nikolay kilsəsi Orhusun ilk kafedralı idi. İkinci kafedral 1102-ci ildə yepiskop Ulfketil tərəfindən Müqəddəs Klementin relikvilərini saxlamaq üçün indiki yerin yaxınlığında taxtadan inşa edilmişdi. Müqəddəs Klement Romanın erkən yepiskoplarından biri idi və rəvayətə görə o boynuna bağlanmış lövbərlə Qara dənizə atılmışdır. Klement dənizçilərin himayədarı idi və xüsusilə Skandinaviyada məşhur idi. İlk Müqəddəs Klement kilsəsi 1190-cı illərdən əvvəl tikilib.[5]
-
Əsas giriş -
Günbəzin daxili tavanı -
Qurbangah -
Əsas zal -
Kilsədə heykəl, 1587
- ↑ 1 2 ArchINFORM (alm.). 1994.
- ↑ "Historie". 26 dekabr 2008 tarixində arxivləşdirilib. İstifadə tarixi: 4 yanvar 2009. The Domkirkens historie section on the Aarhus Domkirke official website. In Danish. Last accessed 4 January 2009.
- ↑ Kevin Knight. "Ancient See of Aarhus in Denmark". New Advent. İstifadə tarixi: 1 avqust 2018.
- ↑ "Reginbrand er navnet på Århus´ første biskop". vikingemuseet. İstifadə tarixi: 1 avqust 2018.
- ↑ "Hellig Niels". Dansk Biografisk Leksikon. İstifadə tarixi: 1 avqust 2018.
- aarhus-domkirke.dk — rəsmi saytı (dan.)