Orazio Farneze (Kastro hersoqu)

Orazio Farneze (it. Orazio Farnese; fevral 1532^[1], Valentano^[d], Latsio – 19 iyul 1553^[1]) — III Kastro hersoqu.

Orazio Farneze
II Kastro hersoqu
10 sentyabr 1547 – 18 iyul 1553
Əvvəlki	Ottavio Farneze
Sonrakı	Ottavio Farneze
Şəxsi məlumatlar
Doğum tarixi	fevral 1532[1]
Doğum yeri	Valentano[d], Viterbo əyaləti[d], Latsio, İtaliya krallığı
Vəfat tarixi	19 iyul 1553[1] (21 yaşında)
Vəfat səbəbi	döyüşdə ölüm
Fəaliyyəti	siyasətçi
Atası	Pier Luigi Farnese
Vikianbarda əlaqəli mediafayllar

1532-ci ildə Toskanadakı ailə mülklərində dünyaya gəldi. Atası Papa III Pavelin oğlu Piyer Luici, anası isə məşhur Orsini ailəsindən Girolama Orsinidir. Dövrün siyasi şəraiti səbəbilə 11 yaşında Fransa kralı I Fransiskin sarayına girov göndərildi. 1547-ci ilin iyununda yeni taxta çıxan Fransa kralı II Henrinin nigahdan kənar doğulan qızı Diana ilə nişanlandı. Həmin il atasının sui-qəsdlə öldürülməsinin ardından böyük qardaşı Ottavio Farneze Parma hersoqu, Orazio isə Kastro hersoqu ünvanına sahibləndi. Cütlüyün toy mərasimi isə 13 fevral 1553-cü ildə Parisdə baş tutdu. Ancaq cütlüyün evliliyi çox uzun çəkmədi və övladları olmadı.

Belə ki, cəmi 5 ay sonra Müqəddəs Roma imperatoru V Karlın tərəfdaşı Savoyya hersoqu Emmanuil Filibert tərəfindən aparılan Hesdin mühasirəsində arkebuza atəşiylə həlak oldu. Rəsmi bir varisi olmadığı üçün Kastro hersoqu ünvanı yenidən qardaşı Ottavio Farnezeyə keçdi.