Ono Benkiçi (大野 弁吉?, 1801, Kioto – 1870, Ono[d], İşikava prefekturası) və ya doğum adı ilə Nakamuraya Benkiçi[1] (中村屋弁吉?) – Yaponiya fotoqrafı, elmi yazıçısı və ixtiraçısı.[2] Karakuri kuklaları hazırlamaqla yanaşı fotoqrafiya sahəsində təcrübələr aparmışdır. Onu "Kaqa əyalətinin Hiraqa Qennayı" ləqəbi ilə adlandırırlar.[3]
| Ono Benkiçi | |
|---|---|
| yap. 大野弁吉 | |
 | |
| Doğum tarixi | |
| Doğum yeri | Qoco küçəsi, Kioto, Kioto prefekturası, Yaponiya |
| Vəfat tarixi | |
| Vəfat yeri | Ono, İşikava rayonu, İşikava prefekturası, Yaponiya |
| Fəaliyyəti | fotoqraf, ixtiraçı |
Ono Benkiçi 1801-ci ildə Kioto şəhərində doğulmuşdur. 20 yaşında olanda Naqasaki şəhərinə köçərək Qərb tibbini və elmlərini öyrənmişdir. Tsuşima adasında silah və riyaziyyat təhsili aldıqdan sonra Kiotoya qayıtmış və evlənmişdir. 1831-ci ildə həyat yoldaşının doğulduğu İşikava prefekturasının Ono qəsəbəsinə köçmüş[4] və həyatının sonuna qədər burada yaşamışdır.[2] 1870-ci ildə ölmüşdür.[2] Məzar daşı Densen məbədində yerləşir.[3]
Ono fotoqrafiya sahəsində təcrübələr aparmış ilk yaponlardan biri olmuşdur. Onun çəkdiyi foto 1857-ci ildən əvvələ aid edilir.[2] Ono müxtəlif mexanizmlər, kameralar, lampalar, fişənglər saatlar və teleskoplar hazırlamışdır. Rəssamlıq, ağacişləmə, şüşəçilik, bambuk sənəti ilə məşğul olmuşdur.[3] "Elektel" (エレキテル, Erekiteru?) adlı ixtirası statik elektrik istehsal etmək üçün nəzərdə tutulmuş və tibb sahəsində istifadə olunmuşdur.[5] Hazırladığı məşhur mexanizmlərdən biri "Çay servis edən oğlan" adlanır.[6]
İşikava prefekturasında yerləşən Karakuri Memorial Muzeyi Ononun ixtiralarına və həyatına həsr olunmuşdur. Burada onun hazırladığı karakuri kuklaları sərgilənir.[4]
- ↑ "Ana səhifə". Karakuri Memorial Muzeyi (yaponca). 22 noyabr 2024 tarixində arxivləşdirilib. İstifadə tarixi: 22 noyabr 2024.
- ↑ 1 2 3 4 Bennet. səh. 126
- ↑ 1 2 3 "「加賀の源内」の業績伝える 金沢の大野からくり記念館". Asahi (yaponca). 4 sentyabr 2022. 23 noyabr 2024 tarixində arxivləşdirilib. İstifadə tarixi: 23 noyabr 2024.
- ↑ 1 2 "Ana səhifə". Karakuri Memorial Muzeyi (ingiliscə). 22 noyabr 2024 tarixində arxivləşdirilib. İstifadə tarixi: 22 noyabr 2024.
- ↑ "Kolleksiya". Karakuri Memorial Muzeyi (yaponca). 22 noyabr 2024 tarixində arxivləşdirilib. İstifadə tarixi: 22 noyabr 2024.
- ↑ Pauer, Erich. "Vehicles of Knowledge: Japanese Technical Drawings in the Pre-Modern Era, 1600–1868". Technical Knowledge in Early Modern Japan (ingiliscə). 2020: 28–54. doi:10.2307/j.ctv176ktd4.6. (#accessdate_missing_url)
- Bennett, Terry. Photography in Japan: 1853–1912 (ingiliscə). Tuttle Publishing. 2006. 126. ISBN 0-8048-3633-7. İstifadə tarixi: 22 noyabr 2024.