Oneqa yarımadası (rus. Онежский полуостров) — Rusiyanın şimal-qərbində Arxangelsk vilayətinin Primorski və Oneqa rayonları ərazisində yerləşən yarımada.
| Oneqa yarımadası | |
|---|---|
 | |
| Ümumi məlumatlar | |
| Ən yüksək nöqtəsi | 202 m |
| Yerləşməsi | |
| 64°40′00″ şm. e. 37°30′00″ ş. u.HGYO | |
| Akvatoriya | Ağ dəniz |
| Ölkə |
 Rusiya |
.jpg)  Oneqa yarımadası |
|
Ağ dənizin cənubunda yerləşir. Ən ucqar şimal nöqtəsi Letnı Navolok qəsəbəsi yaxınlığında yerləşən burundur. Üstəlik burada Novoe Usole, Veynavolok, Qluboki, Kamennı, Çesmenski, Tonki, Letnı Orlov, Uxt-Navolok, Lopşenqski, Yarenqski Roq, Krasnoqorski Roq burunları vardır. Yarımadanın şimal-şərq sahili Letnı sahili, cənub-qərb sahili isə Oneqa sahili adlanır.
Yarımadanın yaxınlığında, Şərqi Soloveskaya Salma boğazında dərinlik 85 metrdir. Boğaz Soloveski adalarını Oneqa yarımadasından ayırır.
Yarımadanın səthi hamardır. Maksimal hündürlüyü 202 metrdir. Şimal-qərbdən cənub-şərqə doğru silsilə uzanır. Bu silsilə Oneqa silsiləsi adlanır. Şimal sahili boyunca isə Letnıe dağları uzanır.
Ərazisinin 60 % ərazisi meşə ilə örtülmüşdür. Yarımadanın cənub hissəsində, Kyanda çayının mənsəbində Kyanda qoruğu yerləşir. Yarımadanın şimal-şərqində, Unski körfəzinin sahilində isə Unski yasaqlığı təşkil edilmişdir. 2013-cü ildə yarımada ərazisində Rusiyanın 45-ci milli parkı təşkil olunmuşdur. Park 201668 ha əraziyə sahibdir ki, bununda 180668 ha meşəlik, 21000 ha ərazi isə Unskaya körfəzinin ərazisini əhatə edir[1].
- ↑ "Создан новый национальный парк «Онежское Поморье»". 2013-12-12 tarixində arxivləşdirilib. İstifadə tarixi: 2017-07-05.