Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinOme gavalı parkı (青梅市梅の公園, Ome-şi Ume no Koen?) – Yaponiyanın Ome şəhərinin Bayqo rayonunda yerləşən ictimai park. Park çoxsaylı gavalı ağaclarına görə tanınır və gavalı ağaclarının çiçək açmasını seyr etmək üçün populyar məkanlardan biridir.
| Ome gavalı parkı | |
|---|---|
| 青梅市梅の公園 | |
 | |
| Məlumatlar | |
| Parkın tipi | ictimai park |
| Ölkə | |
| Yerləşməsi | 4-527 Bayqo, Ome, Tokio |
| Sahəsi | 4 hektar |
| Tabeçiliyi | Ome şəhəri |
| Statusu | açıq |
| Xəritədə yeri | |
 |
|
Bayqo bölgəsi gavalı ağacları ilə məşhur olan yerlərdən biridir. 2009-cu ilin fevralında Ome gavalı parkı "Nikkei" qəzetinin oxucular arasında keçirdiyi sorğuda 90 məkan arasında ən populyar gavalı ağacının çiçəklənməsini seyr etmə yeri seçilmişdir. Lakin 2010-cu illərin əvvəlində parkda yayılan xəstəlik bəzi ağacların zərər görməsinə səbəb olmuş və nəticədə, şəhər rəhbərliyi bütün ağacları parkdan çıxarmaq qərarını qəbul etmişdir.[1]
2016-cı ildə böyükmiqyaslı yenidən əkmə layihəsi başlamışdır. 2019-cu ilə qədər 144 növdən olan 1200 gavalı ağacı əkilmiş, parkın Tokiodakı ən populyar hanami məkanlarından biri kimi yenidən tanınması üçün işlər görülmüşdür.[2]
Ome gavalı parkında təxminən 1200 gavalı ağacı yerləşir. Gavalı ağacları erkən, orta və gec çiçək açan növlərə aiddir. Buna görə də hanami periodu fevraldan marta qədər davam edir. Parkın təpəlik ərazisindən ətraf ərazinin mənzərəli görünüşünü, eləcə də, nərgiz, azaliya kimi mövsümi çiçəkləri seyr etmək mümkündür.[3]
Hər ilin fevral–mart aylarında park Yoşino Bayqo Ume Matsuriyə (Gavalı çiçəklənməsi festivalı) ev sahibliyi edir. Festival çərçivəsində yerli musiqi səsləndirilir, rəqs çıxışları baş tutur və yemək stendləri qurulur.[4]
- ↑ "Famed Ome park to fell 1,266 trees after losing plum pox battle". The Japan Times. 7 aprel 2014. İstifadə tarixi: 26 avqust 2025.
- ↑ "Plum Park". GO TOKYO. İstifadə tarixi: 27 may 2025.
- ↑ "Ome Plum Park". Japan Tourism Agency. İstifadə tarixi: 27 may 2025.
- ↑ "The Special Fair of Ome Plum Blossom Festival". GO TOKYO. İstifadə tarixi: 27 may 2025.