Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinOşikatsu (推し活?) – gənclər, xüsusilə də, gənc qadınlar arasında populyar olan yapon fendom submədəniyyəti. Oşikatsu bir şəxsin favorit idolu və ya personajı dəstəkləmək üçün xeyli vaxt və pul xərcləməsi ilə xarakterizə olunur. COVID-19 pandemiyası dövründə populyarlıq qazanmış və Qərbdəki Sten mədəniyyəti ilə müqayisə olunmuşdur. Submədəniyyət asılılıq və israfçılıq yaratması səbəbilə tənqid olunmuşdur. Şirkətlər və iqtisadçılar isə bunu Yaponiya iqtisadiyyatını canlandıracaq potensial gəlir mənbəyi hesab etmişlər.
"Oşikatsu" termini sevimli şəxsi bildirən "oşi" (推し?) və fəaliyyəti bildirən "katsu" (活?) sözlərinin birləşməsindən yaranmışdır. Bir şəxsin oşisi hər şey ola bilər,[1] lakin adətən J-Pop və K-Pop idolları, anime və videooyun personajları,[2] aktyorlar, YouTuberlər (xüsusilə, VTuberlər)[3] və hətta pornoulduzlar oşi olur.[4][5] Oşikatsu fəaliyyətləri oşini dəstəkləmək, eləcə də, ona olan sevgilərini ifadə etməyin yolu hesab olunur və adətən maddi olur.[4] Oşikatsu Qərbdəki Sten mədəniyyəti fenomeni ilə müqayisə olunur.[1]
Oşikatsuda iştirak edən şəxslərin məqsədi oşinin sevgisini qazanmaq deyil, oşinin arzusuna çatmasına və ya məşhur şəxs olmasına dəstək olmaqdır.[6] İştirakçılar inanırlar ki, sevdikləri şəxsi dəstəkləmək onları məmnun edir və bu cür fəaliyyətlər onların stresini azaldır.[4] Oşikatsu, həmçinin, bir şəxsin fendomdakı kimliyini müəyyən edir; sosial şəbəkələrdəki təqdimat postları post sahibinin oşi siyahısı ilə başlayır.[5] Oşikatsunun digər əsas aspektlərindən biri oşin haqqında digərlərinə məlumat vermək və onun populyarlığını artırmaqdır.[7]
Oşikatsunun mənşəyi 1980-ci illərə qədər uzanır. Həmin dövr Yaponiyada idol mədəniyyətinin populyarlaşmağa başladığı dövrdür.[8] "Oşi" termininin idol qrupunun fanatlarının işlətdiyi slənqdən yarandığı güman olunur. Belə ki, bu termin "2channel" platformasında "Morning Musume" fanatları arasında yayılmışdır.[9] Digər bir idol qrupu – "AKB48" qrupunun fanatları qrupun növbəti sinqlında hansı idolun mərkəzdə görünəcəyini seçmək üçün səs verə bilmiş və bu, tövsiyə mənasına gələn "osu" (推す?) kimi tanınmışdır.[4] 2010-cu ildə "AKB48" tərəfindən buraxılmış "Team B Oshi" bu termini daha da populyarlaşdırmışdır.[9]
Eyni zamanda anime fendomunda bəzi otaku kiçilər animelərdən və vizual romanlardan uydurma personajlarla görüşməyə, hətta "evlənməyə" başlamışdır. Ahikito Kondo adlı bir kişi virtual idol Hatsune Miku ilə evləndiyini bəyan etmişdir.[1]
"Oşikatsu" termini ilk dəfə 2016-cı ildə ortaya çıxmış və 2018-ci ildə "Tvitter"də yayılmağa başlamışdır.[2] Altmədniyyət COVID-19 pandemiyası dövründə sürətlə populyarlaşmağa başlamış, eksapizmin bir forması hesab olunmuşdur.[10] 2020-ci ildə nəşr olunmuş "Oşi, Moyu" romanı submədəniyyətin yayılmasında vacib rol oynamışdır.[5] 2021-ci ildə termin Yaponiyada ilin sözünə namizəd göstərilmişdir.[11] 2022-ci ildə 15–45 yaş aralığında olan 17 min şəxs arasında keçirilmiş bir sorğuda iştirakçıların 57,4%-i oşilərinin olduğunu bildirmişdir.[1]
Son illərdəki sorğulara əsasən oşikatsu submədəniyyəti sadəcə gənclərlə məhdudlaşmır. "Harumeku" tərəfindən 50 yaşından yuxarı qadınlar arasında keçirilmiş sorğuda iştirakçıların 46%-i oşilərinin olduğunu və ona maddi dəstək göstərdiyini bildirmişdir.[2] Yaponiya siyasətçilərini dəstəkləmək də oşikatsu ilə müqayisə olunmuşdur.[6]
Oşikatsu fəaliyyətlərinə konsertlərdə və əməkdaşlıq kafelərində iştirak, sosial mediada oşi haqqında paylaşımlar etmək və oşinin rəsmi hesablarını izləmək,[6] fanartlar çəkmək və uydurma fan əsərlər yazmaq daxildir. Submədəniyyətin iştirakçıları oşi ilə bağlı müxtəlif məhsullar (poster, CD və s.) üçün böyük məbləğdə pullar xərcləyirlər.[2] İdolları konsertlərdə dəstəkləmək üçün istifadə olunan qələm işıqlar və bayraqlar bu submədəniyyətdə olduqca populyardır.[10] Bəzi fanatlar oşi ilə əlaqəsi olan yerlərə – "müqəddəs məkanlar"ı ziyarət edirlər və ya oşi ilə əlaqəli rəngdə paltarlar geyinirlər.[11]
İta-çantalar oşikatsu mədəniyyətində vacib yer tutur.[12] Bu çantaların hazırlanması baha-başa gəlir və istifadəçisinin oşisi ilə əlaqəli olan məhsullarla əhatə olunur. İta-çanlarda pin-düymələri, oyuncaqları, açarlıqları və digər məhsulları göstərən şəffaf pəncərə olur.[13]
Oşikatsu mədəniyyəti iştirakçılarda asılılıq yaratması səbəbilə tənqid olunmuşdur.[8] Konsept kafelər və host-klubların fanatların sədaqətindən yararlanmaq üçün oşikatsunu təşviq etdikləri iddia olunur.[14]
- ↑ 1 2 3 4 Samson, Carl. "'Oshikatsu' explained: Why some Japanese people would rather 'stan' than date". NextShark (ingilis). 16 oktyabr 2023. İstifadə tarixi: 5 sentyabr 2025.
- ↑ 1 2 3 4 Gygi, Fabio. "Oshikatsu, the fandom phenomenon Japan hopes can boost its flagging economy". The Conversation (ingilis). 28 aprel 2025. İstifadə tarixi: 5 sentyabr 2025.
- ↑ Sugiyama, Satoshi. "Anime and mascots: Japan hopes 'oshikatsu' rage will open consumer wallets". Reuters (ingilis). 31 mart 2025. İstifadə tarixi: 5 sentyabr 2025.
- ↑ 1 2 3 4 Kodaka, Maiko. "Restoring Femininity through Consumption: Female Fans of Male Porn Actors in Japanese Jôsei-muke AVs". The Twelfth International Convention of Asia Scholars (ingilis). Amsterdam University Press. 1. 1 iyun 2022: 283–289. doi:10.5117/9789048557820/ICAS.2022.035. ISBN 978-90-485-5782-0.
- ↑ 1 2 3 Kodaka, Maiko. Embrace me as I am: Japanese Pornography for Women and the Fan Community surrounding Male Porn Stars (Tezis). SOAS University of London. 2023. doi:10.25501/SOAS.00039267. İstifadə tarixi: 5 sentyabr 2025.
- ↑ 1 2 3 Okereke, Yumi Grace. Is Politics the New Pop Culture? Exploring the Rise of Political Fandom in Japan (PDF) (Tezis). Masaryk University. 14 aprel 2025. İstifadə tarixi: 6 sentyabr 2025.
- ↑ 市村, 美帆; イチムラ, ミホ; Ichimura, Miho. "女子大学生の推し活に関する検討－ファン活動、オタク活動、推し活のイメージと、推し活をする理由－" [Research on “Oshi-Katsu” among female university students－Images of fan activities, otaku activities, and “Oshi-Katsu”, and reasons for doing “Oshi-Katsu”－]. 和洋女子大学紀要 (yapon). 66. 1 mart 2025: 13–23.
- ↑ 1 2 Allen, Jay. "Is "Oshikatsu" an Addiction? Survey Shows Dark Side of Japan's Fan Culture". Unseen Japan (ingilis). 29 dekabr 2024. İstifadə tarixi: 5 sentyabr 2025.
- ↑ 1 2 池田, 太臣. "The Origins of "Oshi" and the Change of the Image of "Otaku" through its Expansion : Focusing on Mass Media Sources". Konan Women's University Studies I (61): 63–77. ISSN 2758-8491.
- ↑ 1 2 Michel, Patrick St. "Music idol and anime fandom merch is big business". The Japan Times (ingilis). 12 iyul 2025. İstifadə tarixi: 5 sentyabr 2025.
- ↑ 1 2 Rogers, Krista. "Nominations revealed for Japan's 2021 New Words and Buzzwords Awards". Japan Today (ingilis). SoraNews24. 10 noyabr 2021. İstifadə tarixi: 5 sentyabr 2025.
- ↑ "What is An Oshi? What are Ita Bags? & Other Questions Answered!". HobbyLink Japan. 27 sentyabr 2024. İstifadə tarixi: 6 sentyabr 2025.
- ↑ Wang, Nancy. "What is an 'ita bag'? Plus the most popular toys, dolls and figures now". South China Morning Post (ingilis). 6 iyun 2025. İstifadə tarixi: 25 sentyabr 2025.
- ↑ Ikeda, Waka. "From geisha to oshikatsu, toxic tropes fuel sex industry". The Japan Times (ingilis). 30 dekabr 2024. İstifadə tarixi: 5 sentyabr 2025.