Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinNurlana Əliyeva (Nurlana Müzəffər qızı Əliyeva; 28 avqust 1946, Kirovabad) — Bakı Slavyan Universitetinin sabiq rektoru (2016–2021), Yeni Azərbaycan Partiyası Qadınlar Şurasının sədri (2009–2021), Filologiya elmləri doktoru, professor.
| Nurlana Əliyeva | |
|---|---|
| 23 iyun 2016 – 22 iyun 2021 | |
| Əvvəlki | Asif Hacılı |
| Sonrakı | Anar Nağıyev |
Yeni Azərbaycan Partiyası Qadınlar Şurasının sədri | |
| 25 aprel 2009 – 5 mart 2021 | |
| Əvvəlki | Səriyyə Əbülhəsənova |
| Sonrakı | Bahar Muradova |
| Şəxsi məlumatlar | |
| Doğum tarixi | 28 avqust 1946 (79 yaş) |
| Doğum yeri | |
| Təhsili | |
| Fəaliyyəti | professor |
| Elmi fəaliyyəti | |
| Elmi dərəcəsi | |
| Elmi adı | |
|
|
|
| Təltifləri |
  |
| nurlanaeliyeva.az | |
Nurlana Əliyeva 28 avqust 1946-cı ildə Gəncə şəhərində müəllim ailəsində anadan olub. Gəncə şəhər Cəfər Cabbarlı adına 6 nömrəli məktəbdə orta təhsil alan Nurlana Əliyeva daha sonra təhsilini ölkənin ən nüfuzlu ali təhsil ocaqlarından olan Bakı Dövlət Universitetində davam etdirib. BDU-nun filologiya fakültəsini bitirdikdən sonra — 1969-cu ildə əmək fəaliyyətinə başlayıb. Bakı şəhərindəki 134 nömrəli məktəbdə, Bakı Maliyyə-Kredit Texnikumunda Azərbaycan dili və ədəbiyyat müəllimi işləyib. 1990-cı il dekabrın 29-dan Azərbaycan Dövlət Pedaqoji Kollecinə (keçmiş M. Ə. Sabir adına Bakı Pedaqoji Texnikumu) rəhbərlik edib.
Nurlana Əliyeva "Azərbaycan bədii nəsrində müasir kənd və onun problemləri" mövzusunda namizədlik, "60–80-ci illər Azərbaycan nəsrində qəhrəman və üslub axtarışları" mövzusunda doktorluq dissertasiyaları müdafiə edib. BDU-nun professoru, AMEA Nizami adına Ədəbiyyat İnstitutunda doktorluq üzrə ixtisaslaşmış dissertasiya şurasının üzvüdür.
12 kitabın, onlarca elmi, publisist məqalənin müəllifidir. YAP Siyasi Şurasının üzvü, eyni zamanda 2009–2021-ci illərdə YAP Respublika Qadınlar Şurasının sədri olmuşdur.[1]
Azərbaycan Respublikası Prezidentini İlham Əliyevin sərəncamı ilə, Nurlana Müzəffər qızı Əliyeva 23 iyun 2016-cı ildə Bakı Slavyan Universitetinin rektoru təyin edilib[2].
Azərbaycan Respublikası Prezidentini İlham Əliyevin sərəncamı ilə, Nurlana Müzəffər qızı Əliyeva 22 iyun 2021-ci ildə Bakı Slavyan Universitetinin rektoru vəzifəsindən azad edilib[3]
Ailəlidir, 2 övladı, 5 nəvəsi var. Nurlana Əliyeva sabiq deputat Hadi Rəcəbli ilə qudadır.[4]
2004-cü ildə "Azərbaycan Respublikasının əməkdar müəllimi" fəxri adına layiq görülüb, 2008-ci ildə "Şöhrət" ordeni ilə təltif olunub.
- ↑ "Azərbaycanın hakim partiyasının Qadınlar Şurasına yeni sədr seçilib". 11 may 2023 tarixində arxivləşdirilib. İstifadə tarixi: 7 may 2023.
- ↑ "Qadın rektor oldu". 3 iyul 2016 tarixində orijinalından arxivləşdirilib. İstifadə tarixi: 23 iyun 2016.
- ↑ "N.M.Əliyevanın Bakı Slavyan Universitetinin rektoru vəzifəsindən azad edilməsi haqqında Azərbaycan Respublikası Prezidentinin Sərəncamı". 28 noyabr 2021 tarixində arxivləşdirilib. İstifadə tarixi: 22 iyun 2021.
- ↑ "Arxivlənmiş surət". 17 iyul 2022 tarixində arxivləşdirilib. İstifadə tarixi: 17 iyul 2022.