Nurfələk Qadınəfəndi (v. 15 avqust 1916) — Osmanlıların Misir və Sudan hakimi, ilk Misir xədivi İsmayıl Paşanın xanımı, Sultan Hüseyn Kamilin anası.
| Nurfələk Qadınəfəndi | |
|---|---|
| 18 yanvar 1863 – 26 iyun 1879 | |
| 20 dekabr 1914 – 15 avqust 1916 | |
| Əvvəlki | Əminə İlhami |
| Sonrakı | Nazlı Səbri |
| Şəxsi məlumatlar | |
| Vəfat tarixi | 15 avqust 1916 |
| Dəfn yeri | İmam Şafii türbəsi, Qahirə, Misir xədivliyi |
| Həyat yoldaşı | |
| Uşağı | |
Həyatının ilk illəri, Misirə gəlişi və saraya necə alındığı məlum deyil. Ancaq İsmayıl Paşaya Misirdəki hakimiyyətini ələ aldıqdan sonra təqdim edildiyi bilinir. Cütlüyün bu nigahdan 21 noyabr 1853-cü ildə yeganə övladı - Hüseyn Kamil dünyaya gəldi.
1879-cu ildə ərinin vəzifədən alınmasından sonra onunla birlikdə öncə Neapolda, ardından İstanbulda sürgün həyatı yaşayan Nurfələk xanım ərinin 1895-ci ildə İstanbulda vəfatından sonra cənazəylə birlikdə Qahirəyə döndü. Sabiq xədivin digər ailə fərdləriylə birlikdə Qahirədəki Safran sarayında yaşamağa davam edən Nurfələk xanım oğlunun 20 dekabr 1914-cü ildə taxta çıxmasının ardından Validə sultan ünvanı aldı.
Ancaq cəmi 2 il sonra 15 avqust 1916-cı ildə İsgəndəriyyədəki Mamurə sarayında vəfat etdi və cənazəsi Qahirədəki İmam Şafii türbəsinə dəfn edildi.
- Tanman, M (2011). Nil kıyısından Boğaziçi'ne: Kavalalı Mehmed Ali Paşa Hanedanı'nın İstanbul'daki izleri. İstanbul: İstanbul Araştırmaları Enstitüsu. p. 48. ISBN 978-975-9123-95-6
- Tucker, Spencer; Roberts, Priscilla Mary (2005). World War I: A Student Encyclopedia. ABC-CLIO. pp. 898. ISBN 978-1-851-09879-8
- Ward, Major C.H. Dudley (29 March 2012). The 74th Yeomanry Division in Syria and France. Andrews UK Limited. p. 8. ISBN 978-1-781-51519-8
- Doumani, Beshara (2003). Family History in the Middle East: Household, Property, and Gender. SUNY Press. ISBN 978-0-791-48707-5