Nobar qapısı — XI əsrdə tikilmiş Təbrizin şəhərinin qapılarından biri.[1]
| Nobar qapısı | |
|---|---|
| 38°04′30″ şm. e. 46°17′41″ ş. u.HGYO | |
.svg)  Nobar qapısı |
Bu qapı Qazan xan dövründə də Təbrizin əsas darvazalarından biri sayılırdı. Şəhərin bütün darvazaları kimi, Nobar qapısı da Təbrizdə 1780-ci ildə baş vermiş zəlzələ nəticəsində dağılmış və sonradan bərpa olunmuşdur.[2][1]
Pəhləvilər dövründə bu tarixi qapı və onunla bağlı digər tikililər dağıdılmışdır. Lakin İslam İnqilabından sonra bu qapı və onun ətrafı İranın Mədəni İrs Təşkilatı tərəfindən yenidən qurulmuş və restavrasiya edilmişdir. Bu qapının yerləşdiyi ərazi Nobar məhəlləsi adlanır. Həmin ərazidə Kəndxudabaşı məscidi, Meydan məscidi, Behnam evi və Ustad Şəhriyarın Ədəbiyyat Muzeyi kimi mühüm tarixi və mədəni abidələr yerləşir.[3]
2011-ci ildə Təbriz Bələdiyyəsi Nobar qapısının təqribi mövqeyində – Tərbiyət küçəsi ilə İmam küçəsinin kəsişdiyi nöqtədə – tarixi fotolardan və arxiv şəkillərindən ilhamlanaraq yeni bir bina inşa etmişdir. Bu yeni tikili memarlıq baxımından Nobar qapısının orijinal memarlıq üslubuna uyğunlaşdırılmış və rəsmi olaraq Nobar qapısı adı verilmişdir.[2][1]
- ↑ 1 2 3 "نوبر قاپیسی". nasrnews.ir. İstifadə tarixi: 29 may 2025.
- ↑ 1 2 Khamāchī, 1398
- ↑ "نوبر قاپیسی". neshan.org. İstifadə tarixi: 29 may 2025.
- Khamāchī, Behruz, Shahr-e man Tabriz, Təbriz: Nedā-ye Shams, 1398