Noğalar (Noğalılar) haqqında.
Məlumatlar 1 fevral 2025-ci ildə Cavid Aslan İlyas oğlu tərəfindən qələmə alınmışdır.
113 il ömür sürmüş Hüseynpaşa Aslan oğlunun və Türkiyədə yaşamış bacısı Gülpaşanın oğlu Allahverdinin söylədiklərinə görə Noğalar (Noğalılar) sözü Astanın atası Alı ilə bağlıdır. 1776–78-ci il Rus-Osmanlı müharibəsi zamanı Allahverdi kişi Osmanlıdan oğlu Alı ilə birlikdə Gürcüstanın Dmanisi rayonunun Hamamlı kəndinə köçmüşdür. Alı çar-Rusiya ordusunda xidmət etmişdir. Boyu qısa olduğuna görə sırada digər əsgərlərdən geridə qalırmış. Komandir isə ona- "Noqa Ali, noqa Ali!" (noqa-ayaq)- deyə geridə qalmamasını və ayağına-addımına fikir verməsini əmr edibdir. Alı əsgərlikdən qayıdanda söyləyir ki, əsgərlikdə ona "Noqa Ali" deyirdilər. O vaxtdan hamı onu "Noğa Alı" çağırıbdır.
Noğa Alının Astan adlı 1 oğlu, İnci adlı 1 qızı olubdur.
Allahverdi kişi Hamamlıya köçəndə Osmanlıda çoxlu malı, qoyunu qalıbdır. Onlara baxmaq üçün Yetiş Əhmədin atası İbrahimə tapşırıbdır. İbrahim öləndə oğlu Əhmədin 4–5 yaşı olubdur. Noğa Alı oğlu Astanı Osmanlıya göndərib ki, Əhmədi və malı, qoyunu gətirsin. Əhməd balaca olduğundan yolda geridə qalırmış. Sürünü gətirənlər Əhmədə tez gəlməsi üçün-"Tez gəl, bizə yetiş, Əhməd, yetiş, Əhməd!"-deyə çağırıblar. O vaxtdan hamı onu "Yetiş Əhməd" deyə çağırıbdır.
Astan Yetiş Əhmədi öz oğlu kimi böyüdüb və öz uşaqlarından seçməyib. O isə mala, qoyuna baxıb. Ona ev tikib, yer veribdir (Əlinin evi). Yetiş Əhməd böyüyəndə Gülpaşanı aldadıb və Osmanlıya aparıb Axalkalakinin Xançallı kəndindən ora köçmüş, Emin kişiyə ərə vermişdir.
Yetiş Əhmədin Nigar, Sona, Həvva, Sinə, Tamam adlı qızları və Məhəmməd adlı oğlu olmuşdur. Məhəmməd uca boylu, enli kürək, pəhləvan, öz taylarına yenilməyən bir güləşçi olmuşdur. Gözü götürməyənlər onu meşədə yatdığı yerdə öldürmüşlər.
Ulu babalarımızın doğum və ölüm tarixləri:
1. Allahverdi-1755–1842
2. Noğa Alı-1790–1849
3. Astan-1837–1929
Noğa Alının qızı, Astanın bacısı İnci Əlləzin arvadı olubdur (Molla Almazın babası, İdrisin anası).
Noğa Alının Astan Qazax Nəsibin qızı Xeyransa ilə evlənib və 4 oğlu, 2 qızı olubdur.
Oğulları: 1. Həsənpaşa-1862–1950
2. Hüseynpaşa-1864–1977
3. Xəlil-1890–1972
4. Cəlil-1900–1967
Qızları: 1. Gülpaşa (oğlu Allahverdi, nəvəsi İlhan)
2. Xədicə (xalası oğlu İsaya ərə getməmək üçün özünü zəhər içərək öldürübdür.
Noğa Astan Mijəli (Cavaxi) kəndindən Okziaşvili və Andiaşvili nəslindən Nina ilə evlənib, 2 oğlu olmuşdur. Ailədə yola verməyiblər, ona görə də Nina və uşaqları Səfərli kəndinə köçmüşlər.
I. Həsənpaşanın 2 oğlu, 6 qızı olubdur:
Oğulları: 1. İlyas-1919–2001
2. Allahverdi-1929–1953
Qızları: Qızxanım, Xanım, Zeynəb, Tükəzban, Fatma, Cənnət.
İlyasın 6 oğlu 5 qızı olmuşdur.
Oğulları: Şahbaz (1945–2000), Cavid, Namaz, Knyaz, Niyaz(1964–2024), Ramiz.
Qızları: Salatın, Sultan, Samaya, Sürəyya, Sərmaya.
II. Hüseynpaşanın 2 oğlu, 4 qızı olmuşdur.
Oğulları: 1. Sədrəddin (1931–2002, 5 oğlu, 2 qızı olubdur: 1 qızından başqa hamısı cavan yaşlarında rəhmətə getmişdir)
2. Rüstəm (1933–1944) Qızları: Gülsün, Xədicə, Minəvar, Sineyvar.
III. Xəlilin 5 oğlu, 2 qızı olmuşdur.
Oğulları: Ayvaz, Paşa, Cahangir, Astan, Bilal.
Qızları: Mələksə, Hilal, Gövhər. Ayvazın oğulları: Fərhad, Şöhrət; qızları: Xeyran, Akifə.
Paşanın oğulları: Hüseyn, Zakir; qızları: Leyla, Şölə.
Cahangirin 1 oğlu, 3 qızı olmuşdur.
Astanın oğulları: Elxan, Alxan, Rasim; qızı-Kəmalə.
Bilalın oğlu-Araz, qızları: Nailə, Nüyvər.
IV. Cəlilin 2 oğlu, 3 qızı olmuşdur.
Oğulları: İlyasa, Yaqub.
Qızları: Gülxanım, Cahan, Sima.
1 Fevral 2025-ci il tarixində Noğaalıların kökünü davam etdirən 70 yaşından yuxarı sağ olanların siyahısı (70 yaşına çatmayanlar nəzərə alınmamışdır):
1. Gülxanım Cəlil qızı-1930
2. Sima Cəlil qızı-1940
3. Cavid İlyas oğlu-1946
4. Kəklik Xanım qızı-1947
5. Hüseyn Paşa oğlu-1948
6. Salatın İlyas qızı-1948
7. Tanrıverdi Fatma oğlu-1949
8. İlhan Allahverdi oğlu-1950
9. Sürəyya Sədrəddin qızı-1950
10. Sultan İlyas qızı-1951
11. Əmirxan Gülxanım oğlu-1952
12. Namaz İlyas oğlu-1953
13. Nərgiz Cənnət qızı-1953
Noğaalıların törəmələri hal-hazırda 1000 nəfərdən çoxdur. Onlar Rusiyada,Türkiyədə, Azərbaycanda, Gürcüstanda, Ukraynada, Qazaxıstanda və bir çox ölkələrdə məskunlaşmış və yaşayırlar.