Bu, tənha məqalədir, çünki hansısa məqalədən bu məqaləyə verilmiş keçid yoxdur. |
Nizaməddin Baba oğlu Həmidov (15 aprel 1952, Qubadlı) — Azərbaycan dövlət xadimi, elmi işçisi, polisi, xüsusi xidmət orqanı müşaviri, general. O, əsas olaraq Daxili İşlər Nazirliyi, Milli Təhlükəsizlik Nazirliyi və Dövlət Təhlükəsizliyi Xidmətində tutduğu ciddi rəhbər vəzifələrə görə tanınır.
| Nizaməddin Həmidov | |
|---|---|
 | |
| 2016 – 2020 | |
 | |
| 2005 – 2015 | |
 | |
| 1990 – 1995 | |
| Şəxsi məlumatlar | |
| Doğum tarixi | 15 aprel 1952 (73 yaş) |
| Doğum yeri | |
| Rütbəsi | general |
|
|
|
| Təltifləri |
Şablon:1-ci dərəcəli dövlət və xüsusi xidmət orqanı müşaviri Şablon:"Vətənə xidmətə görə ordeni kavaleri       Şablon:"Hərbi xidmətdə fərqlənməyə görə" 1-cü dərəcəli medalı        |
Nizaməddin Baba oğlu Həmidov 15 aprel 1952-ci ildə Qubadlı rayonunun Mirlər kəndində anadan olmuşdur. O, 1958-ci ildə Qubadlı rayon Dondarlı kənd orta məktəbinə daxil olmuş, oradakı təhsili başa vurduqdan sonra, 1969-cu ildə Dadaş Bünyadzadə adına Azərbaycan Xalq Təsərrüfatı İnstitutunun mühasibat uçotu fakültəsinin qiyabi şöbəsinə qəbul olmuşdur. Həmidov 1974-cü ildə ali məktəbi iqtisadçı-mühasib ixtisası üzrə bitirmişdir. Nizaməddin Həmidov 1987–1993-cü illərdə Bakı Dövlət Universitetinin Hüquq fakültəsində qiyabi təhsil alaraq hüquqşünas ixtisasına yiyələnmişdir.[1]
Təhsil almaqla yanaşı, Həmidov 1970–1974-cü illərdə Azərbaycan Elmi-Tədqiqat Kənd Təsərrüfatının İqtisadiyyatı İnstitutunda laborant vəzifəsində çalışmışdır. O, 1974-cü ilin noyabrından 1975-ci ilin noyabr ayınadək Sovet Ordusunda həqiqi hərbi xidmətdə olmuşdur. Həmidov hərbi xidməti başa vurduqdan sonra Azərbaycan Elmi-tədqiqat Kənd Təsərrüfatının İqtisadiyyat İnstitunda əmək fəaliyyətini davam etdirərək laborant və kiçik elmi işçi vəzifələrində işləmişdir.[1]
1977-ci ildə Azərbaycan SSR daxili işlər orqanlarında xidmətə qəbul olunan Həmidov Qaradağ və Kirov (indiki Binəqədi) rayon daxili işlər şöbələrində baş inspektor və komendantura rəisinin müavini vəzifəsində çalışmışdır. O, 1990–1992-ci illərdə müstəqil Azərbaycan Respublikasının Daxili İşlər Nazirliyinin (DİN) Profilaktika İdarəsində baş inspektor və bölmə rəisi olmuşdur. Həmidov 1992-ci ildən DİN Cinayət Axtarış İdarəsində əməliyyat müvəkkili, həmin ilin iyun ayından Sabunçu Rayon Polis İdarəsində baş əməliyyat müvəkkili və iqtisdi sahədə cinayətkarlığa qarşı mübarizə bölməsinin rəisi vəzifələrində xidmət etmişdir.[2]
Həmidov 1999–2004-cü illərdə Bakı şəhər Baş Polis İdarəsində inspektor, baş inspektor, xüsusilə mühüm işlər üzrə baş əməliyyat müvəkkili və maliyyə-kredit sistemində cinayətkarlıqla mübarizə şöbəsinin rəisi vəzifələrində çalışmışdır. O, 2004-cü ildə Milli Təhlükəsizlik Nazirliyində (MTN) idarə rəisinin müavini vəzifəsinə təyin olunmuş, 2005-ci ildə idarə rəisi vəzifəsinə yüksəlmişdir.[1] Həmidov 2007-ci ildə MTN-nin Baş İdarə rəisi vəzifəsində xidmətini davam etdirməyə başlamışdır.[3][4] Həmidov sonradan 2018-ci ildə Dövlət Təhlükəsizlik Xidmətinin baş Müşaviri təyin olunmuşdur. O, 2020-ci ildə təqaüdə çıxmışdır.
Həmidov xidmət dövründə 1978-ci ildə milis leytenantı, 1981-ci ildə milis baş leytenantı, 1984-cü ildə milis kapitanı, 1990-cı ildə milis mayoru, 1995-ci ildə polis polkovnik-leytenantı, 2004-cü ildə polkovnik, 2012-ci ildə isə general-mayor ali hərbi rütbəsi ilə təltif olunmuşdur.
- Müharibə veteranı (1998)
- "Azərbaycan Respublikası Silahlı Qüvvələri Veteranı" medalı (2005)
- "Hərbi xidmətlərə görə" medalı (2005)[2]
- "Qüsursuz xidmətə görə" III dərəcəli medalı (2005)
- "Qüsursuz xidmətə görə" II dərəcəli medalı (2005)
- "Qüsursuz xidmətə görə" I dərəcəli medalı (2005)
- "Azərbaycan Bayrağı" ordeni (2006)[2]
- "Hərbi xidmətdə fərqlənməyə görə" III dərəcəli medalı (2007)
- "Vətən uğrunda" medalı (2008)[2]
- "Azərbaycan Respublikası Silahlı Qüvvələrinin 90 illiyi (1918-2008)" yubiley medalı
- "Hərbi xidmətlərə görə" medalı (2009)[5]
- "İgidliyə görə" medalı (2010)[6]
- "Azərbaycan Respublikası Fövqəladə Hallar Nazirliyinin 5 illiyi (2005-2010)" yubiley medalı (2010)
- "Milli Təhlükəsizlik Nazirliyinin Fəxri əməkdaşı" döş nişanı (2014)
- "Azərbaycan Respublikası milli təhlükəsizlik orqanlarının 90 illiyi (1919-2009)" yubiley medalı (2014)
- "Hərbi xidmətlərə görə" II dərəcəli medalı (2015)
- "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı (2019)
- ↑ 1 2 3 "Qubadlı rayonundan olan GENERALLAR". Qubadlı rayon Mərkəzi Kitabxanası (az.). Azərbaycan Respublikası Mədəniyyət və Turizm Nazirliyi. 25 may 2016. 15 September 2021 tarixində arxivləşdirilib. İstifadə tarixi: 16 sentyabr 2021.
- ↑ 1 2 3 4 "Tarixi". Qubadlı Rayon İcra Hakimiyyəti (az.). 27 mart 2012. 2016-10-19 tarixində arxivləşdirilib. İstifadə tarixi: 16 sentyabr 2021.
- ↑ "MTN əməkdaşlarına ali hərbi rütbələr verilib - SƏRƏNCAM". Azxeber.com (az.). 27 mart 2012. 2021-09-15 tarixində arxivləşdirilib. İstifadə tarixi: 16 sentyabr 2021.
- ↑ "Azərbaycan Respublikası Milli Təhlükəsizlik Nazirliyinin əməkdaşlarına ali hərbi rütbələrin verilməsi haqqında Azərbaycan Respublikası Prezidentinin Sərəncamı". Azərbaycan (az.). 28 mart 2012. 2021-09-15 tarixində arxivləşdirilib. İstifadə tarixi: 16 sentyabr 2021.
- ↑ Əliyev, İlham. "Azərbaycan Respublikası Milli Təhlükəsizlik Nazirliyinin bir qrup əməkdaşının təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az (az.). Ədliyyə Nazirliyi. 28 mart 2009. 2021-09-15 tarixində arxivləşdirilib. İstifadə tarixi: 16 sentyabr 2021.
- ↑ Əliyev, İlham. "Azərbaycan Prezidenti Milli Təhlükəsizlik Nazirliyinin əməkdaşlarına ali hərbi rütbələrin verilməsi haqqında Sərəncam imzalayıb". Azəri Press Agentliyi (az.). 29 mart 2010. 2021-09-15 tarixində arxivləşdirilib. İstifadə tarixi: 16 sentyabr 2021.