Nintendo Muzeyi (ニンテンドーミュージアム, Nintendo Myuciamu?) – Yaponiyanın Kioto prefekturasının Uci şəhərində yerləşən videooyun muzeyi. "Nintendo" şirkətinin tarixinə və məhsullarına həsr olunmuşdur.
| Nintendo Muzeyi | |
|---|---|
.svg){kind=logo} | |
 | |
 | |
| Açılış tarixi | 2 oktyabr 2024 |
| Mövzu | Nintendo |
| Ölkə | |
| Yerləşir | Oquraço[d] |
| 34°53′34″ şm. e. 135°47′03″ ş. u.HGYO | |
| museum.nintendo.com | |
 Vikianbarda əlaqəli mediafayllar | |
Nintendo Muzeyinin yaradılması 2021-ci ildə Nintendo Qalereyası müvəqqəti adı ilə anons edilmişdir.[1] Muzeyin tikintisinin 2024-cü ilin martında başa çatacağı açıqlansa da, tikinti işləri 2024-cü ilin mayında başa çatmışdır.[2] 2 oktyabr 2024-cü ildə açılmışdır. Dünyanın ilk rəsmi Nintendo muzeyidir.[3]
Muzey şirkətin Uci şəhərində yerləşən keçmiş fabrik binasında yaradılmışdır. Uci Oqura fabriki tanınan bu bina 1969-cu ildə tikilmiş və oyun kartlarının istehsalında istifadə olunmuşdur.[1]
İkimərtəbəli muzey kompleksi üç əsas binadan ibarətdir. Burada şirkətin tarixinə aid materiallar, nadir konsollar, prototiplər, interaktiv oyunlar,[3] "Super Mario"nun atası Şiqeru Miyamotonun xüsusi imzası sərgilənir.[4] Muzeyin əsas attraksionu "Kəşf et" bölməsidir. Bu bölmədə şirkətin istehsal etdiyi hər məhsul, 8 xüsusi interaktiv videoyun kolleksiyası nümayiş etdirilir. "Böyük kontrolyor" bölməsində ziyarətçilər klassik "Nintendo" oyunlarını oynaya bilirlər. Burada "Zapper & Scope" (1973) və "Love Tester" (1969) kimi minioyunları oynamaq təklif olunur. Ziyarətçilərə oyun oynamaq üçün 10 rəqəmsal jeton təqdim olunur. Əlavə jeton almağa icazə verilmədiyi üçün ziyarətçilərin oyun seçimlərini diqqətli etmələri tələb olunur.[3] Ziyarətçilər muzeydə öz hanafuda kartlarını da yarada bilirlər.[4]
Muzey biletləri püşkatma sistemi üzrə satılır. Ziyarətçilər muzeyin saytındakı püşkatmaya qatılıb ən az üç ay gözləməlidirlər.[3] Muzeydə "Hatena Burger" adlı özəl burger restoranı yerləşir. Burada 270.000 müxtəlif kombinasiyada hazırlana bilən özəl burger təklif olunur.[5] Muzeyin suvenir mağazasında coystik formasında balışlar və hanafuda kartları satılır.[3]
- ↑ 1 2 "Utilization of the land of the Nintendo Uji Ogura Plant". Nintendo (ingiliscə). 2 iyun 2021. 2 iyun 2021 tarixində arxivləşdirilib. İstifadə tarixi: 11 oktyabr 2024.
- ↑ "The Nintendo Museum Is Now Complete, Scheduled To Open In The Fall". The Nintendo Life (ingiliscə). 7 may 2024. 8 may 2024 tarixində arxivləşdirilib. İstifadə tarixi: 11 oktyabr 2024.
- ↑ 1 2 3 4 5 Wong, Maggie Hiufu. "Nintendo's very first museum offers a nostalgic trip back in video game time". CNN (ingiliscə). 2 oktyabr 2024. 11 oktyabr 2024 tarixində arxivləşdirilib. İstifadə tarixi: 11 oktyabr 2024.
- ↑ 1 2 "A first look inside the new Nintendo Museum". The Japan Times (ingiliscə). 25 sentyabr 2024. 11 oktyabr 2024 tarixində arxivləşdirilib. İstifadə tarixi: 11 oktyabr 2024.
- ↑ "Cafe". Muzeyin rəsmi saytı (ingiliscə). 20 avqust 2024 tarixində arxivləşdirilib. İstifadə tarixi: 11 oktyabr 2024.
- museum.nintendo.com — rəsmi saytı