Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinNikolay Nəsib oğlu Nəsibov (rus. ́Николай Насибович Насибов; doğum adı: Qaraca;[1] 15 dekabr 1929, Marneuli rayonu, Gürcüstan SSR, SSRİ — 31 dekabr 1996, Moskva, Rusiya) — sovet jokeyi və məşqçisi. Atçılıq idmanı tarixinin ən yaxşı jokeylərindən biri.[2] Mərkəzi Moskva ippodromunun baş məşqçisi. SSRİ çempionu və rekordçusu.[3] Həm idmançı, həm də məşqçi kimi Avropa mükafatının üçqat qalibi.[4]
| Nikolay Nəsibov | |||||||||||
|---|---|---|---|---|---|---|---|---|---|---|---|
| rus. ́Николай Насибов | |||||||||||
 | |||||||||||
| Şəxsi məlumatlar | |||||||||||
| Vətəndaşlığı | |||||||||||
| Doğum tarixi | |||||||||||
| Doğum yeri | Marneuli rayonu, Gürcüstan SSR, SSRİ | ||||||||||
| Vəfat tarixi | |||||||||||
| Vəfat yeri | Moskva, Rusiya | ||||||||||
| İdman növü | atçılıq idmanı | ||||||||||
| Hərbi rütbəsi | |||||||||||
|
Medallar
|
|||||||||||
Nikolay Nəsibov 15 dekabr 1929-cu ildə Marneuli rayonunda azərbaycanlı[5] zəngin mülkədar ailəsində anadan olub. Dörd yaşında olarkən atası bolşeviklər tərəfindən qətlə yetirilir, bir il sonra isə anası vəfat edir.[1]
1942-ci ildən atlarla məşğul olmağa başlayıb. 1944-cü ildən "Vosxod" at zavodunun jokeyi kimi çıxış etməyə başlamışdır. 1951-ci ildə ilk dəfə derbi qaçışında ümumittifaq mükafatının qalibi olub. 1950-ci illərin əvvəllərində, Hərbi Hava Qüvvələri komandasının heyətində çıxış edərkən, İosif Stalinin sərəncamı ilə leytenant rütbəsinə layiq görülmüşdür.[2]
1965, 1966 və 1967-ci illərdə "Anilin" ləqəbli atı ilə Avropa mükafatının qalibi olub.[4] Nəsibov Oslo Kuboku, Stokholm Kuboku və "Böyük Vaşinqton mükafatı" da daxil olmaqla bir çox beynəlxalq turnirlərin qalibidir.[2]
1967-ci ildən məşqçilik fəaliyyətinə başlamışdır. Onun yetirmələri müxtəlif beynəlxalq turnirlərdə mükafatçılar sırasında yer alıblar.[1]
Nikolay Nəsibov 31 dekabr 1996-cı ildə Moskva şəhərində vəfat edib.[2]
Nikolay Nəsibovun oğlu Mixail Nəsibov (1953—2021) futbol üzrə Rusiya yığmasının və "MOİK Moskva" klubunun masajçısı olub.[6]
2001-ci ildən etibarən Mərkəzi Moskva ippodromunda Nikolay Nəsibovun xatirəsinə həsr olunmuş ənənəvi "Nikolay Nəsibov Kuboku" keçirilir.[2]
- "Oktyabr inqilabı" ordeni[1]
- "Qırmızı əmək bayrağı" ordeni[1]
- "Xalqlar Dostluğu" ordeni[1]
- SSRİ XTNS-in qızıl medalı (10 dəfə)[1]
- SSRİ idman ustası[2]
- ↑ 1 2 3 4 5 6 7 "Памяти лучшего жокея СССР" (rus). Svet-mayakov.ru. 29 iyun 2021 tarixində arxivləşdirilib. İstifadə tarixi: 22 iyun 2021.
- ↑ 1 2 3 4 5 6 "Насибов" (rus). Bigenc.ru. 16 iyun 2022 tarixində arxivləşdirilib. İstifadə tarixi: 22 iyun 2021.
- ↑ "Дмитрий Михайлович Урнов - «Железный посыл»" (rus). Knigogid.ru. 28 iyun 2021 tarixində arxivləşdirilib. İstifadə tarixi: 22 iyun 2021.
- ↑ 1 2 "Preis von Europa" (alman). Galopp-sieger.de. 26 iyul 2021 tarixində arxivləşdirilib. İstifadə tarixi: 22 iyun 2021.
- ↑ "К 90-летию со дня рождения Н.Н. Насибова" (rus). Hippodrom.ru. 28 iyun 2021 tarixində arxivləşdirilib. İstifadə tarixi: 22 iyun 2021.
- ↑ "Умер массажист сборной России и ЦСКА Михаил Насибов" (rus). Sport-express.ru. 13 sentyabr 2022 tarixində arxivləşdirilib. İstifadə tarixi: 22 iyun 2021.
- Kdvorik.ru saytında profili Arxivləşdirilib 2021-06-24 at the Wayback Machine (rus.)
- Николай Насибов (rus.)