Nikola Deyanoviç (serb. Никола Дејановић; 21 fevral 1969, Osiek[d]) — Serbiya hərbi xadimi, Serbiya Silahlı Qüvvələrinin briqada generalı, 2022–2024-cü illərdə Serbiya Qvardiyasının komandanı. O, keçmişdə Mərkəzi Afrika Respublikasında Birləşmiş Millətlər Təşkilatının sülhməramlı missiyalarının iştirakçısı olmuşdur.[1]
| Nikola Deyanoviç | |
|---|---|
 | |
| Şəxsi məlumatlar | |
| Doğum tarixi | 21 fevral 1969 (56 yaş) |
| Doğum yeri |
|
| Hərbi fəaliyyəti | |
| Rütbəsi | briqada generalı |
Nikola Deyanoviç 21 fevral 1969-cu ildə Yuqoslaviya Sosialist Federativ Respublikasının Osiek şəhərində anadan olmuşdur. O, 1992-ci ildə Yuqoslaviya Quru Qoşunları Hərbi Akademiyasını (piyada fakültəsi) bitirmişdir. Deyanoviç 2006-cı ildə komanda-qərargah heyətinin ixtisasartırma kurslarını, 2010-cu ildə Baş Qərargah üzrə ixtisasartırma kurslarını və 2020-ci ildə Təhlükəsizlik və Müdafiə üzrə Ali Kursları başa vurmuşdur.[2]
1992-ci ildən Yuqoslaviya və Serbiya ordularında xidmət etmişdir. Yuqoslaviya Federativ Respublikası, sonradan isə Serbiya və Monteneqro Silahlı Qüvvələrinin hərbçisi kimi 72-ci xüsusi briqadada (briqadanın ləğvindən əvvəl) kəşfiyyat-diversiya batalyonunda xidmət etmişdir. Briqadada kəşfiyyat-diversiya batalyonunun diversiya bölüyünün taqım komandiri, kəşfiyyat-diversiya batalyonunun kəşfiyyat-diversiya bölüyünün komandiri, kəşfiyyat-diversiya batalyonunun komandir müavini, kəşfiyyat-diversiya batalyonunun komandiri vəzifələrini tutmuşdur.[2]
Deyanoviç 2006-cı ildə Xüsusi Briqadanın yaradılmasından sonra bu briqadanın tərkibində xidmətini davam etdirərək əməliyyat-təlim şöbəsinin rəisi, informasiya-kəşfiyyat fəaliyyəti şöbəsinin rəisi, əməliyyatlar üzrə komandir köməkçisi vəzifələrini icra etmişdir.[2]
Deyanoviçin Serbiya Silahlı Qüvvələrində tutduğu digər vəzifələrə 4-cü briqadanın qərargah rəisi, Mərkəzi Afrika Respublikasında Birləşmiş Millətlər Təşkilatınən sülhməramlı missiyasının Serbiya kontingentinin komandiri, Sülhməramlı əməliyyatlar Mərkəzinin rəis müavini, Təlim Komandanlığında Banat briqadasının inkişafına rəhbərlik edən komandir,[2] Zrenyanin qarnizonunun komandiri (2018-ci ildən),[3] Təlim Komandanlığının qərargah rəisi (2019-cu ildən),[4] Təlim Komandanlığının rəis müavini aiddir.[2]
Deyanoviç 20 yanvar 2021-ci ildə briqada generalı rütbəsinə yüksəldilmişdir.[4] O, 25 fevral 2022-ci ildə Serbiya Qvardiyasının komandiri təyin edilmişdir.[5] Deyanoviç 4aprel 2024-cü ildə Serbiya Qvardiyasının komandiri vəzifəsində polkovnik Jelko Furunciç tərəfindən əvəz edilmişdir.[6]
Nikola Deyanoviç aşağıdakı orden və medallarla təltif edilmişdir:[2]
- "Yuqoslaviya Xalq Ordusunun 50 illiyi" medalı (1991)
- "Müdafiə və təhlükəsizlik sahəsində xidmətlərə görə" medalı (2000)
- "Serbiya Silahlı Qüvvələrinin yubiley" medalı (2015)
- "Yuqoslaviya Federativ Respublikası ərazisində döyüş əməliyyatları iştirakçısı" medalı (2015)
- "20 illik səylə xidmətə görə" xatirə medalı (2016)
- "Mərkəzi Afrika Respublikasında BMT Missiyası iştirakçısı" medalı (2016)
- "Çoxmillətli əməliyyatlarda komanda-qərargah vəzifələrində iştirakçı xatirə" medalı (2017)
- "Serbiya Silahlı Qüvvələri ilə Mərkəzi Afrika Respublikası təhlükəsizlik qüvvələrinin təlimində Aİ Missiyası ilə əməkdaşlığın inkişafına görə" medalı (2017)
- "Serbiya Respublikası ərazisində döyüş əməliyyatları iştirakçısı" medalı (2019)
- "NATO təcavüzündən Vətənin müdafiəsinin 20 illiyi xatirə" medalı (2019)
- "Hərbi xidmətdə görkəmli nailiyyətlərə görə" zabit medalı (2021)
- "Yuqoslaviya Sosialist Federativ Respublikası ərazisində döyüş əməliyyatları iştirakçısı" medalı (2022)
| Podporuçik | Leytenant | Kapitan | Baş kapitan | Mayor | Polkovnik-leytenant | Polkovnik | Briqada generalı |
|---|---|---|---|---|---|---|---|
.svg){kind=small}
|
.svg){kind=small}
|
.svg){kind=small}
|
.svg){kind=small}
|
.svg){kind=small}
|
|
|
|
| 1992 | 1993 | 1996 | 1999 | 2003 | 2007 | 2011 | 2021 |
- ↑ Milan Galović. "Garda nije samo počasni stroj". Политика. 2022-10-17. İstifadə tarixi: 2024-03-31.
- ↑ 1 2 3 4 5 6 7 Војска Србије
- ↑ "Pukovnik Nikola Dejanović novi komandant Garnizona Vojske Srbije u Zrenjaninu" (serb). Град Зрењанин. 2018-06-18. 2024-03-31 tarixində arxivləşdirilib. İstifadə tarixi: 2024-03-31.
- ↑ 1 2 "Nikola Dejanović unapređen u čin brigadnog generala". Политика. 2021-01-20. 2021-02-24 tarixində arxivləşdirilib. İstifadə tarixi: 2024-03-31.
- ↑ "Министар Стефановић уручио указе о унапређењима и постављењима" (serb). Министерство обороны Сербии. 2022-02-25. 2023-07-28 tarixində arxivləşdirilib. İstifadə tarixi: 2024-03-31.
- ↑ "Handing of Decrees of Supreme Commander of Serbian Armed Forces and President of the Republic" (ingilis). Вооружённые силы Сербии. 2024-04-04. İstifadə tarixi: 2024-03-26.
- "Никола Дејановић" (serb). Вооружённые силы Сербии. 2024-03-30 tarixində arxivləşdirilib.