Nemətulla bəy Heydərov

Nemətulla bəy Hacı Qasım bəy oğlu Heydərov (1827–1901) — Rusiya ordusunun generalı.

Nemətulla bəy Heydərov
Nemətulla bəy Hacı Qasım bəy oğlu Heydərov
Şəxsi məlumatlar
Doğum tarixi	4 oktyabr 1827
Doğum yeri	Dərbənd, Rusiya
Vəfat tarixi	27 yanvar 1901 (73 yaşında)
Vəfat yeri	Dərbənd, Dağıstan vilayəti, Rusiya imperiyası
Vətəndaşlığı	Rusiya imperiyası
Həyat yoldaşı	Leyla bikə Əhməd bəy qızı (üçüncü həyat yoldaşı)
Uşaqları	Hüseyn bəy, Hürnisə xanım, Nurcahan xanım
Atası	Hacı Qasım bəy
Hərbi fəaliyyəti
Mənsubiyyəti	Rusiya imperiyası
Qoşun növü	piyada
Rütbəsi	general-mayor
Komandanlıq edib	Dağıstan süvari alayı[d]
Döyüşlər	Qafqaz müharibəsi
Təltifləri

Nemətulla bəy Hacı Qasım oğlu Heydərov 4 oktyabr 1827-ci ildə Dərbənddə anadan olub. İbtidai dünyəvi təhsilini Dərbənd qəza məktəbində alıb. 1843-cü ildə Qazıqumuq atlı milis dəstəsində qulluğa təyin edilib. Sonrakı illərdə Qafqazdakı rus qoşunlarının tərkibində Şamilə, dağlılara qarşı çoxlu savaşlara qatılıb. 1854-dəki savaşda fərqləndiyinə görə 1857-də ştabs-kapitan çini alıb. Salavatiyadakı 1857-dəki fərqlənməyə görə 1857-də generallara verilən 3-cü dərəcəli Müqəddəs Georgi ordeni ilə təltif edilib (sonralar 4-cü dərəcəni də alıb). O, bu ordenə layiq görülən ilk müsəlmandır. Sonrakı illərdə yenə çoxlu ordenlər qazanıb. 1880–1881-də Axal-Təkə yürüşündə, Göytəpə qalasının alınmasında iştirak edib. 1884-cü ildə ona general-mayor çini verilib və ehtiyat piyada alayına keçirilib. Bütün qalan həyatını Nemətulla bəy Dərbənd şəhərində keçirib və 27 yanvar 1901-də orada vəfat edib.

Neymətulla bəy üç dəfə evlənib. İlk nikahdan oğlu Hüseyn bəy (31.08.1868-?) və qızı Hürnisə xanım (24.07.1870-?) doğulub. Üçüncü nikahı Leyla bikə Əhməd bəy qızı ilədir və ondan qızı Nurcahan xanım (17.03.1882-?) dünyaya gəlib.

Nemətulla bəyin qardaşı Minətulla bəy Heydərov haqqında bilgimiz çox azdır. Fatma xanımın bizə bildirdiyinə görə o, əsgərliyi erkən yaşda buraxaraq Dərbəndə dönüb və buradakı evində yaşayaraq öz təsərrüfatı ilə məşğul olub. Minətulla bəyin 3 oğlu olub: İsa bəy, Musa bəy və Qasım bəy.^[1]