Nehuştan (Nehushtan) — "Krallar kitabı" və "Rəqəmlər kitabı"nda qeyd olunan ilan sarılmış tunc əsa. Adı, ibrani dilində "nāḥāš" ("ilan") və "nəḥošeṯ" ("bürünc" və ya "mis") mənası verən iki sözün birləməsindən yaranmışdır. Nehuştan əvvəlcə, quraq ərazidə yaşayan israilliləri "odlu ilanlar"ın sancmasından qorumaq üçün, Allahın tapşırığı ilə Musa peyğəmbər tərəfindən düzəldilmişdir. İlanın sancdığı hər kəs, Nehuştana baxdıqda sağalırdı. Müasir dünyamızda da, ətrafına ilan sarılmış əsa, Yunan və Roma mifologiyasının qalığı, tibbin simvolu olaraq istifadə olunur. Bu, Yunanıstanda "Asclepius", Romada "Aesculapius" kimi tanınan qədim bir şəfa tanrısının simvoludur.
1508-ci ildə Mikelancelo, Sikstin kapellasında israillilərin ilan bəlasından xilas olmasını və bürünc ilanın yaradılmasını təsvir edən bir freska çəkmişdir. Həmçinin, "Mount Nebo" dağında Covanni Fantoni tərəfindən yaradılmış bir Nehuştan abidəsi mövcuddur.[1]
- ↑ "Brazen Serpent monument « See The Holy Land". March 4, 2016 tarixində arxivləşdirilib. İstifadə tarixi: Sep 9, 2019.