Nazirlər Kabineti və ya Nazirlər Şurası — baş nazirin və bütün nazirlərin demokratik dövlətlərdə bir araya gələrək, hökumətin siyasi fəaliyyət rejimini təyin etmələri və ümumi siyasətlərini təyin etmələri üçün bir komitədir.[1] Nazirlər Şurasının qəbul etdiyi qərarlar baş nazir üçün “qanuni” tövsiyələrdir. Baş nazir tez-tez bu qərarlara əməl edir, ancaq nazirlər şurası ilə razılaşmadığı təqdirdə fərqli bir qərar verə bilər.
Bir çox ölkədə nazirlər şurasının üzvləri parlament üzvləri arasından seçilir. Prezident sistemi ilə idarə olunan ABŞ kimi bəzi ölkələrdə millət vəkilləri Nazirlər Şurasının üzvü ola bilməzlər. Həmin ölkələrdə nazirlər şurasına üzv olmaq üçün əvvəlcə parlament üzvü istefa verməlidir.
Hər bir nazir öz nazirliyinə aid olan məsələlərə və nazirlik heyətinin gördüyü işlərə cavabdehdir. Nazirlər Şurasının qərarları yekdilliklə qəbul edilir.
Nazirlər Şurası suallar, danışıqlar, ümumi yığıncaqlar, parlament araşdırmaları və parlament istintaqları kimi siyasi nəzarət yollarından istifadə edə bilər.[2]
Əksər dövlətlərdə Nazirlər Kabinetinin üzvlərinə nazir titulu verilir və hər biri müxtəlif hökumət vəzifələrini icra edir (“Xarici İşlər Naziri”, “Səhiyyə Naziri” və s.). Meksika, Filippin, Böyük Britaniya və ABŞ-də kabinetin bəzi üzvlərinə Katib deyilir (“Təhsil Katibi”). Bəzi ölkələrdə Nazirlər Kabineti "Nazirlər Soveti", "Nazirlər Aparatı", "Nazirlər Şurası" və ya "Dövlət Şurası" kimi adlarla tanınır. Kabinetin istifadə və ya yaradılma formasında müəyyən fərqliliklər ola bilər.
- ↑ "Cabinet | Political Definition, Government, Function, & Facts | Britannica". www.britannica.com (ingilis). 2024-07-06. İstifadə tarixi: 2024-07-07.
- ↑ The American Heritage® Dictionary of the English Language, 5th Edition, at Wordnik