Nazim Sadıxov
Nazim Sadıxov — UFC-də çıxış edən Azərbaycanı təmsil edən qarışıq döyüş sənəti iştirakçısıdır.
| Nazim Sadıxov | |
|---|---|
| ing. Nazim Sadykhov | |
| Şəxsi məlumatlar | |
| Doğum adı | azərb. Nazim Sadıxov |
| Ləqəbi | "Black Wolf"[1] |
| Vətəndaşlığı |
 Azərbaycan  ABŞ |
| Milliyəti | azərbaycanlı |
| Doğum tarixi | |
| Doğum yeri | Bakı, Azərbaycan |
| Boyu | 1,77 m |
| Çəkisi | 70 kq |
| İdman növü | qaydasız döyüş |
| Karyera illəri | 2018-bu günə kimi |
| Ağırlıq dərəcəsi | yüngül çəki |
| Komandası | Longo and Weidmann MMA |
 Vikianbarda əlaqəli mediafayllar | |
Nazim Sadıxov 6 yaşı olanda ailəsi ilə birlikdə Azərbaycanın paytaxtı Bakıdan ABŞ-ın Nyu-York ştatının Bruklin şəhərinə köçmüşdür. Uşaq yaşlarından karate, daha sonra MMA ilə məşğul olmağa başladı.[2]
16 avqust 2022-ci ildə, Sadıxov əfqan əsilli MMA döyüşçüsü Əhməd Həssənzadə ilə Dana White's Contender Series - Contender Series 2022 yarışmasında yüngül çəkidə qarşılaşdı və UFC prezidentinin qarşısında kifayət qədər təsirli qalibiyyəti sayəsində UFC ilə müqavilə bağladı.[3] Sadıxov, üçüncü raundun 1:59-cu dəqiqəsində sağ çəngəl (right hook) zərbəsi ilə Həssənzadəni nokaut (KO/TKO) edərək qalib gəlmişdir.[4]
Nazim Sadıxov UFC-də ilk görüşünü 18 fevral 2023-cü ildə, UFC Fight Night: Andrade vs. Blanchfield turnirində amerikalı Evan Elder-ə qarşı keçirib və üçüncü raundun 0:40-cı dəqiqəsində TKO (texniki nokaut) ilə qalib gəlib.[5]
16 iyul 2023-cü ildə, UFC Fight Night: Holm vs. Bueno Silva turnirində amerikalı Terrensi Makkenniyə qarşı döyüşün ikinci raundunun 1:08-ci dəqiqəsində boğma texniki fəndi ilə (SUB) qələbə qazanıb.[6] Həmin il noyabrın 12-də keçirilən UFC 295 turnirində, Sadıxov rusiyalı döyüşçü Vyaçeslav Borşovla qarşılaşıb və görüş heç-heçə nəticələnib. Bu qarşılaşma “Gecənin ən yaxşı performansı” mükafatına layiq görülüb.[7][8]
16 fevral 2025-ci ildə, UFC Fight Night: Cannonier vs. Rodrigues turnirində braziliyalı döyüşçü İsmael Bonfim ilə qarşılaşan Nazim Sadıxov, birinci raundun son saniyəsində (5:00) TKO (texniki nokaut) ilə qalib gəlmişdir.[9]
21 iyun 2025-ci ildə keçirilən UFC Fight Night: Hill vs. Rountree turnirində Sadıxov braziliyalı döyüşçü Nikolas Motta ilə qarşılaşıb və ikinci raundun 4:21-ci dəqiqəsində TKO (texniki nokaut) ilə qalib gəlib. Bu qarşılaşma “Gecənin ən yaxşı performansı” və “Gecənin döyüşü” mükafatlarına layiq görülüb.[10]
Sadıxov karyerası boyu 13 görüşdə 11 qələbə, 1 məğlubiyyət və 1 heç-heçə yaşayıb.[11]
- ↑ "Nazim Sadykhov ("Black Wolf")". Tapology. İstifadə tarixi: 8 June 2025.
- ↑ Simon Samano və Nolan King. "Longo-Weidman fighter Nazim Sadykhov on UFC opportunity at DWCS 50: 'This is what I'm here for'". mmajunkie.usatoday.com (ingilis). 2023-01-18 tarixində arxivləşdirilib. İstifadə tarixi: 16 avqust 2022.
- ↑ Ben Duffy. "Dana White's Contender Series 2022 Week 4 Play-by-Play and Results". sherdog.com (ingilis). 2023-01-18 tarixində arxivləşdirilib. İstifadə tarixi: 16 avqust 2022.
- ↑ Sadykhov's overhand right takes out Hassanzada, ESPN.
- ↑ Nolan King. "DWCS standout Nazim Sadykhov set to make UFC debut vs. Evan Elder". sports.yahoo.com (ingilis). 2023-01-18 tarixində arxivləşdirilib. İstifadə tarixi: 2 noyabr 2022.
- ↑ "Nazim Sadıxov UFC turnirində ikinci qələbəsini qazandı - VİDEO". oxu.az. 2023-08-14 tarixində arxivləşdirilib. İstifadə tarixi: 2023-08-14.
- ↑ "Nazim Sadıxov rusiyalı Vyaçeslav Borşovla UFC-də üz-üzə gəlib". baku.tv. 12 noyabr 2023.
- ↑ Mike Bohn, Nolan King. "Viacheslav Borshchev happy with UFC 295 draw vs. Nazim Sadykhov: 'I was almost killed in the second round'". MMA Junkie, USA TODAY Sports. 22 dekabr 2023.
- ↑ "Azərbaycanlı döyüşçüdən UFC-də növbəti QƏLƏBƏ - VİDEO". Milli.Az. 16 Fevral 2025.
- ↑ Bohn, Mike. "UFC on ABC 8 video: Nazim Sadykhov elates Baku crowd with bloody KO of Nikolas Motta". MMA Junkie. 21 iyun 2025.
- ↑ "Nazim Sadykhov ("Black Wolf") | MMA Fighter Page | Tapology". 2022-12-23 tarixində arxivləşdirilib. İstifadə tarixi: 2023-01-18.