Nazim Xeyrulla oğlu Məmmədov (8 oktyabr 1951, Ordubad26 avqust 2022) — Azərbaycan Respublikası fövqəladə hallar nazirinin müavini, Azərbaycan Respublikası Dövlət Gömrük Komitəsi sədrinin müavini (2007–2018), gömrük xidməti general-leytenantı (2010), daxili xidmət general-leytenantı (2018).

Nazim Məmmədov
bayraq Azərbaycan Respublikası fövqəladə hallar nazirinin müavini bayraq
6 iyul 2018 — 26 avqust 2022
Nazir Kəmaləddin Heydərov
bayraq Azərbaycan Respublikası Dövlət Gömrük Komitəsi sədrinin müavini bayraq
28 dekabr 2007 — 6 iyul 2018
Sədrlər Aydın Əliyev
Səfər Mehdiyev
Şəxsi məlumatlar
Doğum tarixi 8 oktyabr 1951(1951-10-08)
Doğum yeri
Vəfat tarixi 26 avqust 2022(2022-08-26) (70 yaşında)
Təhsili

Təltifləri 1-ci dərəcəli "Vətənə xidmətə görə" ordeni 2-ci dərəcəli "Vətənə xidmətə görə" ordeni 3-cü dərəcəli "Vətənə xidmətə görə" ordeni

Həyatı

Məmmədov Nazim 1951-ci il oktyabrın 8-də Naxçıvan Muxtar Respublikası Ordubad şəhərində anadan olub.

Əmək fəaliyyətinə 1973-cü ildə Ordubad şəhərində baytarlıq stansiyasında başlamışdır. 1976–1995-ci illərdə Ordubad şəhərində müxtəlif təşkilatlarda işləmişdir.

1995-ci ildən Azərbaycan Respublikası Dövlət Gömrük Komitəsində çalışmışdır. 1999-cu ildə isə Təfəkkür Universitetinin hüquq fakultəsini bitirmişdir.

Ailəli idi, 3 övladı var.

Siyasi fəaliyyəti

Nazim Məmmədov Azərbaycan Respublikasının Prezidenti İlham Əliyevin 28 dekabr 2007-ci il tarixli 2607 nömrəli sərəncamı ilə Dövlət Gömrük Komitəsinin sədr müavini təyin olunmuşdur.

Nazim Məmmədov Azərbaycan Respublikasının Prezidenti İlham Əliyevin 6 iyul 2018-ci il tarixli 289 nömrəli sərəncamı ilə Dövlət Gömrük Komitəsinin sədr müavini vəzifəsindən azad edilmişdir. O, Azərbaycan Respublikasının Prezidenti İlham Əliyevin 6 iyul 2018-ci il tarixli 290 nömrəli sərəncamı ilə fövqəladə hallar nazirinin müavini təyin edilmişdir.

2022-ci il yanvarın 21-də səhhətindəki ciddi problemlərlə əlaqədar vəzifəsindən kənarlaşdırılıb. 26 avqust 2022 tarixində dünyasını dəyişib

Təltifləri

Nazim Məmmədov 28 yanvar 2005-ci il tarixində Azərbaycan Respublikasının Prezidenti İlham Əliyevin 605 nömrəli sərəncamı ilə 3-cü dərəcəli "Vətənə xidmətə görə" ordeni ilə təltif olunmuşdur.

31 yanvar 2008-ci il tarixində Azərbaycan Respublikası Prezidenti İlham Əliyevin 2644 nömrəli sərəncamı ilə ona gömrük xidməti general-mayoru ali xüsusi rütbəsi verilmişdir.

26 yanvar 2010-cu il tarixində Azərbaycan Respublikası Prezidenti İlham Əliyevin 704 nömrəli sərəncamı ilə ona gömrük xidməti general-leytenantı ali xüsusi rütbəsi verilmişdir.

Nazim Məmmədov 24 yanvar 2012-ci il tarixində Azərbaycan Respublikasının Prezidenti İlham Əliyevin 1974 nömrəli sərəncamı ilə 2-ci dərəcəli "Vətənə xidmətə görə" ordeni ilə təltif olunmuşdur.

Nazim Məmmədov 3 fevral 2014-cü il tarixində Azərbaycan Respublikasının Prezidenti İlham Əliyevin 252 nömrəli sərəncamı ilə 1-ci dərəcəli "Vətənə xidmətə görə" ordeni ilə təltif olunmuşdur.

16 iyul 2018-ci il tarixində Azərbaycan Respublikası Prezidenti İlham Əliyevin 238 nömrəli sərəncamı ilə ona daxili xidmət general-leytenantı ali xüsusi rütbəsi verilmişdir.

İstinadlar

  1. . 2018-10-28 tarixində . İstifadə tarixi: 2022-08-27.
  2. . 2022-08-27 tarixində . İstifadə tarixi: 2022-08-27.
  3. . 2018-12-22 tarixində . İstifadə tarixi: 2022-08-27.
  4. . 2022-01-23 tarixində . İstifadə tarixi: 2022-01-23.
  5. . 2022-08-26 tarixində . İstifadə tarixi: 2022-08-26.
  6. . 2022-08-27 tarixində . İstifadə tarixi: 2022-08-27.
  7. . 2022-08-27 tarixində . İstifadə tarixi: 2022-08-27.
  8. . 2022-08-27 tarixində . İstifadə tarixi: 2022-08-27.
  9. . 2022-03-17 tarixində . İstifadə tarixi: 2022-08-27.
  10. . 2022-03-17 tarixində . İstifadə tarixi: 2022-08-27.
  11. . 2022-08-27 tarixində . İstifadə tarixi: 2022-08-27.
Mənbə — ""

Informasiya Melumat Axtar


Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2022