Nazim Baxış oğlu Kərimov (16 dekabr, 1958) — Azərbaycan alimi, riyaziyyatçısı, AR-nin əməkdar müəllimi, fizika-riyaziyyat elmlər doktoru (1996) və professoru (1998). Türkiyə Mersin Universitetinin riyaziyyat bölümünün professoru (2006-2016). Xəzər Universitetinin riyaziyyat kafedrasnın professoru (2016-ci ildən).[1][2][3][4][5]
| Nazim Kərimov | |
|---|---|
| Şəxsi məlumatlar | |
| Doğum tarixi | |
| Doğum yeri | Göytəpə kəndi, Cəlilabad rayonu, Azərbaycan SSR |
| Vətəndaşlığı |
 Azərbaycan |
| Fəaliyyəti | Alim, professor |
| Elmi fəaliyyəti | |
| Elmi dərəcələri | Fizika-riyaziyyat elmlər doktoru (1996) və professor (1998). |
| İş yeri | Xəzər Universiteti (2016-ci ildən), Türkiyə Mersin Universiteti (2006-2016) |
|
|
|
| Təltifləri |
 |
Nazim Kərimov 16 dekabr 1958-ci ildə Azərbaycan Respublikasının Cəlilabad rayonunun Göytəpə kəndində anadan olmuşdur.[3] 1965–1975-ci illərdə Əli Bayramlı şəhərində (indiki Şirvan) 2 saylı orta məktəbdə təhsil almışdır.[6]
1975-ci ildə Azərbaycan Dövlət Universitetinin Mexanika-riyaziyyat fakültəsinə qəbul olunmuş, 1980-ci ildə həmin fakültəni fərqlənmə diplomu ilə bitirmişdir.[3]
1982–1985-ci illərdə Moskva Dövlət Universitetində aspirantura təhsili almışdır.[6]
1987-ci ildə Moskva Dövlət Universitetində akademik V. A. İlyinin elmi rəhbərliyi ilə "Özünə qoşma olmayan diferensial operatorların spektral nəzəriyyəsinin bəzi məsələləri" mövzusunda namizədlik dissertasiyası müdafiə etmişdir.[3]
1996-cı ildə isə "Adi diferensial operatorların kök funksiyalar sisteminin bazisliyi və müntəzəm minimallığı" mövzusunda doktorluq dissertasiyasını müdafiə etmişdir.[6]
Elmi tədqiqatları əsasən diferensial tənliklər, Sturm–Liouville məsələləri, spektral nəzəriyyə və qeyri-özünəqoşma operatorlar sahəsini əhatə edir.[7]
Nazim Kərimov əmək fəaliyyətinə 1980-ci ildə Azərbaycan Milli Elmlər Akademiyasının Riyaziyyat və Mexanika İnstitutunda başlamışdır.[3]
1986–2006-cı illərdə Bakı Dövlət Universitetinin Mexanika-riyaziyyat fakültəsində, o cümlədən 2002–2005-ci illərdə Riyazi analiz kafedrasının müdiri vəzifəsində çalışmışdır.[6]
2006–2016-cı illərdə Türkiyənin Mersin Universitetində professor kimi fəaliyyət göstərmişdir.[3]
2016-cı ildən etibarən Xəzər Universitetinin Riyaziyyat kafedrasında professor vəzifəsində çalışır.[7] [8]
Nazim Kərimovun elmi rəhbərliyi ilə 5 fəlsəfə doktoru və 1 elmlər doktoru dissertasiyası müdafiə olunmuşdur.[3]
O, 60-dan çox elmi məqalənin və 9 kitabın müəllifidir.[6]
Nazim Kərimov müxtəlif illərdə Beynəlxalq Riyaziyyat Olimpiadalarının münsiflər heyətinin üzvü və Azərbaycan komandasının rəhbəri olmuşdur.[3]
Azərbaycan Texnologiya Universitetində keçirilən rəsmi tədbirlərdə çıxışları ilə də iştirak etmişdir.[9]
- ↑ "Azərbaycan riyaziyyatçıları – Nazim Kərimov". imm.az (az.).
- ↑ "Riyaziyyat fənni üzrə olimpiada qalibləri ilə görüş – AZƏRTAC". azertag.az (az.).
- ↑ 1 2 3 4 5 6 7 8 "Nazim Kərimov – CV" (PDF). khazar.org (az.).
- ↑ "Şagirdləri riyaziyyatçı kimi formalaşdıracaq xüsusi məktəb - Vacib layihə, tanınmış üzvlər". azedu.az (az.).
- ↑ "Xəzər Universiteti Riyaziyyat departamentinin professoru Nazim Kərimova "Əməkdar müəllim" fəxri adı verilib". khazar.org (az.).
- ↑ 1 2 3 4 5 "Azərbaycan riyaziyyatçıları – Nazim Kərimov". imm.az (az.).
- ↑ 1 2 "Nazim Kərimov – Elmi profili". elmidiaspor.edu.az (az.).
- ↑ "Riyaziyyat departamentinin əməkdaşı mükafatlandırıldı". khazar.org (az.).
- ↑ "Xalqa həsr olunmuş ömür adlı tədbir keçirilib". atu.edu.az (az.).