Nazim Bababəyli Səfərəli oğlu (28 may 1953, Naxçıvan – 18 noyabr 2022[1]) — Coğrafiya üzrə fəlsəfə elmlər doktoru, dosent, Naxçıvan MR Ali Məclisinin deputatı.
| Nazim Bababəyli | |
|---|---|
 | |
Naxçıvan MR Ali Məclisinin deputatı | |
| 2005 – 18 noyabr 2022 | |
| Şəxsi məlumatlar | |
| Doğum tarixi | 28 may 1953 |
| Doğum yeri | |
| Vəfat tarixi | 18 noyabr 2022 (69 yaşında) |
| Təhsili | |
| Fəaliyyəti | coğrafiyaşünas |
| Atası | Səfərəli Babayev |
| Elmi fəaliyyəti | |
| Elmi dərəcəsi | |
N. S. Bababəyli 28 may 1953-cü ildə Naxçıvan şəhərində anadan olub. 1971–1975-ci illərdə ADPU-nun Coğrafiya fakültəsində təhsil alıb. 1975-ci ildə Azərbaycan SSR Elmlər Akademiyasınin "Kaspi" mərkəzində baş laborant vəzifəsində əmək fəaliyyətinə başlayıb. Xarici ölkələrdə Rusiya, Türkiyə, İran, Gürcüstanda beynəlxalq elmi konfrans və simpoziumlarda elmi məruzələrlə çıxış etmişdir[2].
1977–1978-ci illərdə Moskva şəhərində SSRİ EA Coğrafiya İnstitutunda[rus.] kiçik elmi işçi vəzifəsində çalışıb.
1978–1990-cı illərdə Kosmik Tədqiqatlar Elm və İstehsalat Birliyində mühəndis, kiçik elmi işçi, elmi işçi, laboratoriya rəisi, Elmi-Texniki Kompleksin rəhbərinin müavini vəzifəsində çalışıb.
1990-cı ildən Milli Aerokosmik Agentliyin Naxçıvan şöbəsində rəis vəzifəsində çalışıb.
2004-cü ildə "Araz çayının yuxarı hissəsinin ekoloji şəraiti" mövzusunda namizədlik dissertasiyası müdafiə etmiş, eyni zamanda 2003-cü ildən Naxçıvan Dövlət Universitetində Coğrafiya kafedrasının müdiri olub.
2010-cu ildə Coğrafiya kafedrası üzrə dosent diplomu almışdır.
1994-cü ildə Naxçıvan şəhər Məclisinin, 2005-ci ildə III çağırış, 2010-cu ildə IV çağırış, 2015-ci ildə V çağırış və 2020-ci ildə VI çağırış Naxçıvan MR Ali Məclisinin deputatı seçilib.
Avropa Şurası Regional və Yerli Hakimiyyətlər Konqresində Azərbaycan nümayəndə heyətinin üzvü idi.
Əsasən Aerokosmik tədqiqatlar, coğrafi və geoloji ekologiyaya həsr olunmuş 180-ə qədər məqalənin, o cümlədən 6 monoqrafiyanın, ali məktəblər üçün bir neçə proqramın müəllifidir.
"Naxçıvan" Universitetinin "Təbiət elmləri" kafedrasının müəllimi dosent vəzifəsində işləyirdi.[3]
- ↑ "Azərbaycanda deputat vəfat etdi - FOTO". 2022-11-19 tarixində arxivləşdirilib. İstifadə tarixi: 2022-11-18.
- ↑ B. Budaqov. Azərbaycan Coğrafiyaçı alimləri.Bakı "Elmi"-2013 səh.102
- ↑ Nazim Səfərəli oğlu Bababəyli[ölü keçid]