Nazim Əkbərov 1949-cu ildə Naxçıvan şəhərində anadan olmuşdur. 1972-ci ildə M. F. Axundov adına Azərbaycan Pedaqoji İnstitutunun (indiki Xarici Universiteti) ingilis-Azərbaycan dilləri fakültəsini ingilis və Azərbaycan dilləri müəllimi ixtisası üzrə bitirmişdir. 1972–1979-cu illərdə Babək rayonunun Təzəkənd, Qoşadizə, Nehrəm, Yarımca, Sovetabad kənd məktəblərində müəllim, Babək rayon qiyabi orta məktəbində, sonra Babək rayon xalq təhsili şöbəsində metodist vəzifələrində işləmişdir. 1979–1991-ci illərdə Naxçıvan MSSR Ali Soveti Rəyasət Heyəti aparatında əvvəlcə məsləhətçi, sonra işlər müdiri, daha sonra təşkilat-təlimat şöbəsinin müdiri vəzifələrində çalışıb. 1991-ci ilin iyun ayından 1994-cü ilin oktyabr ayınadək Naxçıvan MR təhsil naziri vəzifəsində işləyib. Bu vəzifədə bir sıra yeni tipli məktəblər – Naxçıvan şəhərində "Xanım qızlar pansionu" adlı qız məktəbi, Hərbi-İdman Təmayüllü Lisey, Naxçıvan Türk Liseyi, Ordubad Türk Qız Liseyi, Şərur Türk Liseyi, İlahiyyat təmayüllü "Hilal" liseyi, Babək rayonunda biologiya-kənd təsərrüfatı təmayüllü təsərrüfat hesablı liseylər açıb.

1994-cü ildən Çağ Öyrətim İşlətmələri şirkətində baş pedaqoji müşavir vəzifəsində, təhsil sahəsində həyata keçirilən kurikulum islahatında mənəviyyat üzrə milli məsləhətçi kimi də fəaliyyət göstərir.

Mənəviyyata, əxlaq məsələlərinə dair 8 kitabda onun hekayələri, esseləri, məqalələri, irpərdəli pyesləri toplanmışdır. Mənəviyyat, əxlaq və davranış qaydalarına dair beş dərs vəsaitinin müəllifidir. Bir neçə elmi-kütləvi kitabın redaktoru, o cümlədən Moskvada rus dilində nəşr edilmiş iki kitabın elmi redaktorudur.

Ssenarisi əsasında 20-ə yaxın sənədli, kütləvi filmlər, reklam klipləri çəkilmişdir. İlk dəfə bir simfonik əsərin (Bəstəkar Vasif Allahverdiyev, "Heydər Əliyev — Ömür Yolu" simfonik poeması) film kimi meydana çıxmasında həm ssenari müəllifi, həm də rejissor kimi fəaliyyət göstərmişdir.

1. Mənəviyyat. (Adil Bayırlı və Ehsan Qubalı ilə birlikdə). Eksperimental dərs vəsaiti. Bakı: Qismət, 1998, 260 səh. (2000, 2002 və 2004-cü illərdə N/R nəşriyyatında təkrar nəşri).
2. Mənəviyyat. (Adil Bayırlı və Ehsan Qubalı ilə birlikdə). Həzrəti-Məhəmmədin həyatı və əxlaqı. Məktəblilər üçün vəsait. Bakı: N/R nəşriyyatı, 2000, 270 səh. (2002 və 2004-cü illərdə təkrar nəşri).
3. Mənəviyyat: inam və əxlaq vəhdəti. (Numan Camalov ilə birlikdə). Həzrəti-Məhəmmədin həyatı və əxlaqı. Məktəblilər üçün vəsait. Bakı: N/R nəşriyyatı, 2000, 270 səh. (2002 və 2004-cü illərdə təkrar nəşri).
4. Müəllimlik sevdası. Məqalələr, xatirələr, hekayələr. ("Zamanın axarında" seriyasından Fərrux Əkbərov adı altında birinci kitab). Bakı: N/R nəşriyyatı, 2000, 120 səh.
5. Ən böyük əxlaq. Məqalələr, xatirələr, felyetonlar. ("Zamanın axarında" seriyasından Fərrux Əkbərov adı altında ikinci kitab). Bakı: N/R nəşriyyatı, 2000, 182 səh. (2004-cü ildə təkrar nəşri).
6. Ədəbiyyatımızın tarixi, tariximizin ədəbiyyatı. Məqalələr, esselər. ("Zamanın axarında" seriyasından Fərrux Əkbərov adı altında birinci kitab). Bakı: N/R nəşriyyatı, 2000, 120 səh.
7. Bərabər yürüdük biz bu yollarda. (Qafqaz İslam ordusu Azərbaycanda: xatirələr, faktlar, sənədlər / tərt. N. Əkbərov). Bakı: N/R nəşriyyatı, 2005, 244 səh.
8. Namaz rəhbəri. (namaz, namaz duaları, namaz surələri). Bakı: N/R nəşriyyatı, 2006, 42 səh.
9. Məktəbdə əxlaq və davranış qaydaları. (Ümumtəhsil məktəbləri şagird və müəllimləri üçün vəsait). Bakı, "Bərəkət" nəşriyyatı, 2009, 78 səh.
10. Ailədə və cəmiyyətdə əxlaq və davranış qaydaları. (Ümumtəhsil məktəbləri şagird və müəllimləri üçün vəsait). Bakı, "Bərəkət" nəşriyyatı, 2009, 78 səh.
11. Yaradılışın qayəsi. (İslam dininə görə ibadətin əsasları). Bakı, "Xəzər" Nəşriyyatı, 2010, 318 səh.
12. İlahi rizaya aparan ibadətlər. Bakı, "Xəzər" Nəşriyyatı, 2013, 404 səhifə.
13. Məktəbdə pedaqoji prosesin təşkili (prof. Rüfət Hüseynzadə ilə birlikdə). Bakı,"Aktiv reklam" nəşriyyatı, 2013, 272 səhifə.

Pərvanə ömrü. Tarixi roman-trilogiya. Birinci kitab: Düşmən qəvi, tale zəbun. 1-cild. 500 səh. Tirajı 1000 əd. Tuna mətbəəsi

1. "Heydər Əliyev – Ömür Yolu" (Bəstəkar Vasif Allahverdiyevin eyniadlı simfonik poeması əsasında 17 dəqiqəlik film). Çalır Üz. Hacıbəyov ad. Azərbaycan Dövlət Simfonik Orkestri. Dirijor Rauf Abdullayev.
2. "Mədəniyyətlər qovşağı Azərbaycan" (Müxtəlif xalqlar, ayrı-ayrı dillərə, dinlərə, mədəniyyətlərə malik insanlar arasında xoşməramlılıq, sevgi, dostluq əlaqələrindən bəhs edən 8 dəqiqəlik film).
3. "On il çiyin-çiyinə" (Azərbaycanla Türkiyə maarifçiləri arasında təhsil körpüsü qurulmasında iştirak edən Çağ Öyrətim Şirkətinin Azərbaycanda fəaliyyətinin on illiyinə həsr edilmiş 12 dəqiqəlik film).
4. "Cağ tanıtım-2003" (Cağ çirkəti məktəblərinin 2003-cü il məzuniyyət proqramı filmi. 15 dəqiqə).
5. "Təhsil millətin gələcəyidir" (Cağ çirkəti məktəblərinin 2006-cı il məzuniyyət proqramı filmi. 13 dəqiqə).
6. "Əmanətə sədaqətlə" (Çağ Öyrətim şirkətinin Azərbaycanda fəaliyyətinin 15-ci ildönümünə həsr edilmiş 16 dəqiqəlik film).
7. "İyirmi ilin meyvələri" (Çağ Öyrətim şirkətinin Azərbaycanda fəaliyyətinin 20-ci ildönümünə həsr edilmiş 15 dəqiqəlik film).
8. "Bu dünya bizim dünya" (Ekoloji problemlər və onların həllinə dair 6 dəqiqəlik film).
9. "Xoşbəxt bir dünya üçün əl-ələ" (Ekoloji problemlər və onların həllinə dair 8 dəqiqəlik film).
10. "İnsanlıq borcu" (Bakıda keçirilən altıncı İNEPO-AVRASİYA beynəlxalq olimpiadası üçün 7 dəqiqəlik film).
11. "Dilimiz varlığımızdır" (Azərbaycan dili və onun qorunması barədə 9 dəqiqəlik film).
12. "Medallar diyarı Azərbaycan" Azərbaycanın idmanda və bilik yarışlarında qazandığı medallar haqqında 3 dəqiqəlik film).
13. "Bu dünyadan bir Bəxtiyar keçdi" (Xalq şairi Bəxtiyar Vahabzadənin vəfatı münasibətilə 31 dəqiqəlik film).
14. "Dialoq Avrasiya Azərbaycan" sevgi və xoşgörü yayır" (Fərqli dinlərin ortaq dəyərləri əsasında millətlərarası dialoq və xoşgörü fəaliyyətləri haqqında 16 dəqiqəlik film).
15. "Andımız sədaqətimizdir" Azərbaycan Beynəlxalq Təhsil Kompleksinin fəaliyətindən bəhs edən 9 dəqiqəlik film.